सांस्कृतिक कार्यक्रम मन के बहार
मैनपाट महोत्सव में लोक गीत अउ संस्कृति के सुग्घर संगम देखन बर मिलही:
13 फरवरी: भोजपुरी सुपरस्टार मनोज तिवारी अपन जलवा बिखेरही। संग में छत्तीसगढ़ी गायक सुनील सोनी अउ उड़ीसा के प्रसिद्ध छऊ नृत्य घलो होही।
14 फरवरी: छत्तीसगढ़ के चहेती लोक गायिका अलका चंद्राकर अउ इंडियन आइडल फेम वैशाली रायकवार अपन सुरीली आवाज ले शाम ला यादगार बनाही।
15 फरवरी: महोत्सव के आखिरी दिन बॉलीवुड के मशहूर सिंगर कनिका कपूर मुख्य आकर्षण रइही। संग में रायगढ़ घराना के कत्थक नृत्यांगना ज्योतिश्री वैष्णव अउ गायक आयुष नामदेव घलो प्रस्तुति देहें।
स्थानीय कलाकार अउ स्कूली लइका मन घलो अपन हुनर देखाही।
एडवेंचर अउ विकास प्रदर्शनी
महोत्सव में सिरिफ नाच-गाना ही नो हे, बल्कि अउ बहुत कुछ हे:
साहसिक खेल: सैलानी मन बर बोटिंग, साहसिक खेल अउ पारंपरिक दंगल के आयोजन होही।
प्रदर्शनी: सरकारी विभाग मन ह विकास प्रदर्शनी लगावत हें, जिहाँ शासन के योजना अउ स्थानीय उत्पाद जैसे टाऊ अउ तिब्बती हस्तशिल्प ला देखे जा सकही।
खान-पान: फूड ज़ोन में सरगुजा के पारंपरिक व्यंजन मन के सवाद ले जा सकही।
मैनपाट के खास आकर्षण
अंबिकापुर ले लगभग 75 किलोमीटर दूर स्थित मैनपाट समुद्र तल ले 3,781 फीट के ऊँचाई में हे। यहाँ के मुख्य चीज मन हें:
जलजली: अइसन जमीन जिहाँ कूदे ले वो ह स्पंज सही हिलथे।
उल्टा पानी: जिहाँ पानी ढलान के उलटा दिशा में बहथे।
तिब्बती मठ: थाकपो शेडुप्लिंग मठ जिहाँ तिब्बती संस्कृति के झलक मिलथे।
Point मन: टाइगर पॉइंट, मछली पॉइंट, मेहता पॉइंट अउ सरभंजा जलप्रपात।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।