छत्तीसगढ़ के राजधानी रायपुर में 22 फरवरी 2026 के होवइया साल के सबले बड़े अउ ग्लैमरस इवेंट 'बिस्मिल की महफिल' (Bismil Ki Mehfil) ला अब बदलाव गे हे। जिहां एक कोती रायपुर के युवा मन बॉलीवुड अभिनेत्री सनी लियोन (Sunny Leone) के पहली परफॉरमेंस ला देखे बर बेताब रिहिन, ओहि कोती बजरंग दल के कड़ा विरोध अउ रायपुर पुलिस के सख्ती के बाद ये कार्यक्रम के रंग फीका पर गे हे।
🔥 सनी लियोन बनाम छत्तीसगढ़िया संस्कृति: का आय पूरा विवाद?
विवाद तब सुरु होइस जब सोशल मीडिया में सनी लियोन के एक वीडियो वायरल होइस, जेमा ओ ह सेरीखेड़ी के 'अमारा' (Amara) अउ रामा वर्ल्ड में अपन जलवा बिखेरे के बात कहिस। ये शो ला 'सूफी अउ टेक्नो' के महासंगम बताए जात रिहिस।
फेर, जइसे ही ये खबर फैलिस, बजरंग दल के कार्यकर्ता ह मोर्चा खोल दीस। ओ मन अपन फेसबुक अउ इंस्टाग्राम पोस्ट में किहिन
"छत्तीसगढ़ भगवान राम के ननिहाल आय अउ माता कौशल्या के पावन भूमि। इहाँ कनो भी किसम के अश्लीलता या अइसन संस्कृति जेकर से हमर संस्कार खराब होथे, ओला बर्दाश्त नई करे जाए। आयोजक मन सुधर जांय, नई त अंजाम भुगते बर तइयार रहें।"
आयोजक मन के बड़का फैसला: नाइट डीजे पार्टी ले सनी लियोन 'आउट'
बजरंग दल के 'उग्र प्रदर्शन' के धमकी के बाद आयोजक मन पाछू हटगे। ताजा खबर के मुताबिक, आयोजक मन ह आधिकारिक तौर पे एलान कर दे हें कि सनी लियोन अब ये कार्यक्रम में शामिल नइ होही। बजरंग दल के कार्यकर्ता मन के कहना हे कि आयोजक मन ह खुद फोन करके ये जानकारी दीस कि सनी लियोन ला रायपुर नइ बुलाए जाही। ये फैसला ले सनी लियोन के फैंस मन ला बड़का झटका लगे हे, जे मन ओला देखे बर टिकट बुक करा चुके रिहिन।
रायपुर पुलिस के एंट्री: बिना 'परमिशन' के चलत रिहिस तैयारी!
ये पूरा ड्रामा में एक अउ मोड़ तब आइस जब एडिशनल डीसीपी रायपुर के बयान सामने आइस। पुलिस ह साफ कर दीस कि:
ये इवेंट बर अभी तक कोनो भी किसम के कानूनी अनुमति (Police Permission) नई ले गे रिहिस।
पुलिस ह चेतावनी दीस हे कि अगर बिना अनुमति के कार्यक्रम होइस, त आयोजक मन के ऊपर कड़ी वैधानिक कार्रवाई करे जाही।
सुरक्षा अउ कानून व्यवस्था ला देखत हुए अब ये शो के भविष्य ऊपर संसो के बादर छा गे हे।
अब का होही 'बिस्मिल की महफिल' में?
भले सनी लियोन शो ले बाहर हो गे हे, फेर आयोजक मन अभी भी 'सूफी अउ टेक्नो' के फ्यूजन ला सफल बनाए के कोसिस में हें। कार्यक्रम के मुख्य आकर्षण अब ये कलाकार होहीं:
बिस्मिल (Bismil): अपन रूहानी सूफी गायकी ले दर्शक मन के दिल जीतही।
डीजे एरेओ (DJ Aerreo): जे ह रात के समय अपन 'दमदार टेक्नो सेट्स' ले युवा मन ला नचाही।
फैशन शो: कार्यक्रम के सुरुवात एक भव्य फैशन शो ले होही, जेमा लाइफस्टाइल अउ स्टाइल के तड़का रही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।