भाजपा के नवा राष्ट्रीय अध्यक्ष नितिन नबीन के संकल्प : साधारण कार्यकर्ता के असाधारण सम्मान आय ए जिम्मेदारी

रायपुर/दिल्ली: भारतीय जनता पार्टी के नवा राष्ट्रीय अध्यक्ष चुने जाय के बाद नितिन नबीन ह सोशल मीडिया में एक भावुक अउ संकल्प ले भरे पोस्ट साझा करिन हे। ओमन किहिन कि भाजपा में संगठन सिरिफ़ एक व्यवस्था नो हे, बल्कि एक संस्कार आय।

प्रधानमंत्री अउ वरिष्ठ नेता मन के जताइन आभार

नितिन नबीन ह अपन पोस्ट में लिखिन- "आज भाजपा के राष्ट्रीय अध्यक्ष के रूप में मोर निर्वाचन, एक साधारण कार्यकर्ता के असाधारण यात्रा ला मिले सम्मान आय। ए नवा जिम्मेदारी बर मैं माननीय प्रधानमंत्री नरेन्द्र मोदी जी अउ पूर्व राष्ट्रीय अध्यक्ष जे.पी. नड्डा जी के प्रति अपन आभार व्यक्त करत हंव।" ओमन उंखर नाव के प्रस्ताव रखे बर जम्मो प्रदेश अउ पार्टी के वरिष्ठ नेता मन ला घलो धन्यवाद दीन।

भाजपा में परिवारवाद नई, कार्यकर्ता के महत्व हे

अपन बात ला आगू बढ़ावत नबीन ह किहिन कि भाजपा देश के एको-एक अइसन पार्टी आय जिहां बड़े पद बर कोनो खास परिवार के होना जरूरी नई हे। उंखर कहना हे कि:

"इहाँ साधारण कार्यकर्ता होना ही सबले बड़ योग्यता आय। ए संगठन में एक सामान्य परिवार के मनखे प्रधानमंत्री बन सकथे अउ एक साधारण कार्यकर्ता राष्ट्रीय अध्यक्ष के जिम्मेदारी तक पहुँच सकथे।"

युवा मन ला दीस मैराथन के सीख

युवा शक्ति ला प्रोत्साहित करत नबीन ह किहिन कि राजनीति कोनो 100 मीटर के रेस नोहे, बल्कि एक "लॉन्ग मैराथन" आय। ओमन समझाइन कि रेस में स्पीड के टेस्ट होथे, फेर मैराथन में 'स्टेमिना' देखे जाथे। एखर बर युवा मन ला धैर्य के साथ राजनीति के पिच में जमे रहे के जरूरत हे।

2047 तक 'विकसित भारत' के लक्ष्य

नवा अध्यक्ष ह संकल्प ल दोहरावत किहिन कि हमर लक्ष्य साफ हे- 2047 तक भारत ला विकसित राष्ट्र बनाना अउ प्रधानमंत्री मोदी जी के संकल्प ला पूरा करना। ओमन कार्यकर्ता मन ला "राष्ट्र निर्माण के सिपाही" बताइन अउ किहिन कि भाजपा के कार्यकर्ता सत्ता बर नई, बल्कि सेवा अउ संकल्प बर राजनीति करथे।

अंतिम में ओमन गर्व के साथ किहिन कि- "मोला गर्व हे कि मैं ए महान संगठन के कार्यकर्ता हंव अउ भाजपा परिवार के हिस्सा हंव।"