रायपुर: छत्तीसगढ़ म राशन कार्ड मन के जांच-पड़ताल ल लेके हड़कंप मचे हे। खाद्य विभाग ह प्रदेश के लगभग 80 लाख बीपीएल (BPL) राशन कार्ड मन के बारीकी से जांच करत हे। ए जांच म अब तक 70 हजार ले जादा राशन कार्ड मन ल रद्द कर दे गे हे। विभाग के कहना हे कि ए आंकड़ा अभी अउ बढ़ सकथे।
केवाईसी (KYC) ले खुलत हे पोल
ई-केवाईसी (e-KYC) के प्रक्रिया शुरू होय के बाद अइसन मनखे मन के पोल खुलत हे जेमन अपात्र होके घलो सरकारी राशन के लाभ उठावत रहिन। जांच म ये पाय गे हे कि कई झन अइसन मनखे हवंय जेमन इनकम टैक्स (आयकर) पटावत हंय, फेर ओमन करा बीपीएल कार्ड बने हे। नियम के मुताबिक, आयकर दाता मन बीपीएल श्रेणी मा नइ आंय।
हो सकथे बड़का कार्यवाही
खाद्य विभाग ह चेतावनी दे हे कि जेमन गलत जानकारी देके कार्ड बनवाये हंय, ओमन सावधान हो जावन। विभाग ह कहिबे करे हे कि:
- अपात्र मनखे मन ल खुद ले जानकारी दे देना चाहिये।
- गलत तरीके ले राशन कार्ड के उपयोग करइया उपभोक्ता मन ऊपर कानूनी कार्यवाही घलो करे जा सकथे।
- जांच अभियान अभी जारी रही, जब तक सब्बो कार्ड मन के सही सत्यापन नइ हो जाही।
सार गोठ -
- सतर्क रहव: यदि आप मन घलो इनकम टैक्स के दायरा मा आथव अउ आप करा बीपीएल कार्ड हे, त ओला तुरंते सरेंडर कर दव, नइ त आगे मुसकिल बढ़ सकथे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।