छत्तीसगढ़ी फिलिम ‘दिलदार मोर यार’ के पहिली सेड्युल पूरा- टीम के सरलग बुता अउ क्रिएटिविटी के शानदार संगम

छत्तीसगढ़ी फिलिम 'दिलदार मोर यार' के पहिली शूटिंग सेड्युल ह बने रकम ले पूरा होगे हावय। फिलिम के जम्मो टीम ह ये शूटिंग के बेरा ल बढ़िया टीमवर्क, अनुशासन अउ खुसहाल माहौल के संग खतम करिन, जेकर झलक ह कलाकार अउ टेक्निकल टीम के बात म साफ दिखत हे।

फिलिम के डायरेक्टर नितेश लहरी ह अपन बने निर्देशन ले न सिरिफ शूटिंग ल सरल बनाइस, भलुक कहानी के भावना मन ल घलो गलब सुंदर ढंग ले केमरा म उतारिस। ओतके, छत्तीसगढ़ फिलिम इंडस्ट्री के सीनियर डीओपी लक्ष्मण यादव ह प्राकृतिक लोकेशन मन म शानदार सिनेमैटोग्राफी करके फिलिम के फ्रेम मन ल अउ जादा जीवंत कर दीस। टीम के मन बताइन कि यादव जी ह सिरिफ बने केमरामैन बस नो हवय, ओ ह बड़े भाई कस जम्मो झन ल रस्ता बताथे अउ माहौल ल सहज रखथे।

फिलिम के कोरियोग्राफी ह राम यादव ह करे हे, जे ह गीत मन ल दमदार अउ बने ढंग ले बनाइस हे। जम्मो टीम ह बताइस कि परिवार कस माहौल म काम करना ह बहुत सुखद रहिस अउ बेरा कब बितगे पताच नई चलिस।

फिलिम के मुख्य कलाकार मन म अज्जू सतपति, भूपेश लिल्हारे, दीपिका सिंह अउ कंचन विश्वकर्मा सामिल हें। इनकर संग म बहुत अनुभवी अउ बड़े कलाकार मन घलो ये फिलिम म दिखहीं, जेकर ले फिलिम ह अउ जादा मजबूत हो जाही।

निर्देशक नितेश लहरी के निर्देशन म पहुना, आशिक़ बइहा, आशिक़ मयावाले अउ मंगलसुत्र जइसे लो​कप्रिय फिलिम के बाद अब ओ ह 'दिलदार मोर यार' ल लेके आवत हे। लेखक-निर्देशक नितेश लहरी ह बताइस कि बचे काम ल पूरा करके जतेक जल्दी हो सकय ओतके जल्दी 'दिलदार मोर यार' ल सिनेमा घर मन म देखाए के हमर पूरा तयारी हे।

छत्तीसगढ़ी फिलिम दिलदार मोर यार ले जुड़े अउ जानकारी– गीत, कहानी, रिलीज के तारीख आदि के बारे म जाने बर हमर संग जुड़े रहव। आप जम्मो झन छत्तीसगढ़ी सिनेमा के मजा लेवत रहव। नवा-नवा गीत सुने बर अउ फिलिम के नवा-नवा अपडेट बर हमर चैनल ल सब्सक्राइब अउ फॉलो जरूर करव।

छत्तीसगढ़ी फिलिम ‘दिलदार मोर यार’ के पूरा जानकारी-

• फिल्म- दिलदार मोर यार
• प्रोडक्शन- सिने साउंड प्रोडक्शन
• निर्देशक- नितेश लहरी
• निर्माता- नंदिता सतपथी
• लेखक,निर्देशक- नितेश लहरी
• प्रमुख कलाकार- अज्जू सतपति, भूपेश लिल्हारे, दीपिका सिंह, कंचन विश्वकर्मा, विजय मिश्रा, श्वेता शर्मा, आकांक्षा देवांगन, जय गुप्ता, माही साहू,सिम्मी ध्रुव, अनिल पटेल, राजेन्द्र देवांगन, बलराज पाठक, प्रमिला रात्रे, नोखु सिंगौर, अमूल्य निधि मिश्रा, अखिलेश वर्मा, जयापति आदि।
• मेकअप- रज्जु,
• कॉस्ट्यूम- लवकुमार 
• एक्शन- आनंद साहू
• कोरियोग्राफी- राम यादव
• डीओपी- लक्ष्मण यादव
• गीत- सलाम ईरानी
• संगीत- अज्जु सतपथी
• स्वर- अज्जु सतपथी व मोनिका वर्मा
• कॉस्ट्यूम- लव, रुचि
• भाषा- छत्तीसगढ़ी
• रिलीज -