महतारी वंदन योजना ले आत्मनिर्भर बनिस धनगांव के ज्योति दुबे

महिला मन ल सशक्त अउ आत्मनिर्भर बनाये के उद्देश्य ले लागू महतारी वंदन योजना ह प्रदेस के केऊ महिला मन के जिनगी म सकारात्मक बदलाव लाने हावय। ए योजना के माध्यम ले महिला मन ल आर्थिक मजबूती के संग आत्मनिर्भर बने के मउका मिले हाबे। इही कड़ी म मुंगेली जि़ला के गांव धनगांव (च.) के श्रीमती ज्योति दुबे, महिला सशक्तिकरण अउ आत्मनिर्भरता के एक प्रेरक मिसाल बन चुके हावय। आठ सदस्यीय परिवार के जिम्मेदारी संभालत ओमन हार नइ मानिस अउ अपन दृढ़ संकल्प के बल म सफलता के नवा रसता बनाइस। 

ज्योति ल लगभग दू साल ले महतारी वंदन योजना के फायदा मिलत हावय। योजना के तहत हरेक महीना मिले रकम ल जोड़कर ओमन सिलाई मशीन खरीदिस अउ सिलाई के बुता सुरू करिस। शुरुआती दौर म उंकर पास अपन मशीन नइ रिहिस, तेकर सेती ओला दूसर के मशीन ले काम करना पड़त रिहिस अउ सीमित ही ऑर्डर मिल पात रिहिस। तभो ओमन हिम्मत नइ हारिस अउ सरलग मेहनत जारी रखिस। आज ज्योति दुबे अपन मशीन ले हर महीना लगभग 05 ले 06 हजार रूपिया के मासिक आमदनी अर्जित करत हावय। वो न सिरिफ अपन परिवार के आर्थिक स्थिति ल सुदृढ़ करत हावय, बल्कि अपन बुता अउ आत्मविश्वास ले गांव के आन महिला मन ल तको आत्मनिर्भर बने के प्रेरणा दे रेहे हावय। 

श्रीमती दुबे के ये सफलता कहानी ए बात के परमान हावय के जब मउका अउ संकल्प एक संग मिले, त महिला मन कोनो तको क्षेत्र म आत्मनिर्भरता के नवा मिसाल कायम कर सकत हावयं। ओमन प्रधानमंत्री नरेंद्र मोदी, मुख्यमंत्री विष्णुदेव साय अउ जिला प्रशासन मुंगेली ल महतारी वंदन योजना के फायदा देवाये बर धन्यवाद व्यक्त करिन। ओमन किहिन के ए योजना ले मिले मदद ह हम जइसे आर्थिक रूप ले कमजोर महिला मन ल आत्मनिर्भर अउ सशक्त बने के दिशा म प्रोत्साहन मिले हावय।