पीएम श्री मॉडल स्कूल नगपुरा बनाय हावय अपन अलग पहिचान : स्कूल म नवाचार ला मिलत हावय बढ़ावा

प्रधानमंत्री स्कूल फॉर राइजिंग इंडिया (PM SHRI) योजना के तहत होइस जेन प्रधानमंत्री नरेन्द्र मोदी जी के दूरदर्शी पहल आय तब ये हमर बर विकास, नवाचार अउ सर्वांगीण परिवर्तन के नवा युग के सुरुआत रहीस। ये कहानी दुर्ग जिला म स्थित नगपुरा स्कूल के आय। मोदी जी के ये प्रेरक दृष्टिकोण ले हमन ला ये प्रेरणा मिलिस कि एक अइसने वातावरण तयार करवय, जिहां अनुभवात्मक अधिगम, सतत विकास अउ उत्कृष्टता के समान महत्व मिलय।

विद्यालय के प्राचार्य श्री बसंत कुमार यादव बताइन कि आधुनिक स्मार्ट क्लासरूम, सुसज्जित विज्ञान अउ कंप्यूटर प्रयोगशाला, अउ रचनात्मक शिक्षण कोना (Learning Corners) ले पढ़ई अब जादा रोचक अउ विद्यार्थी-केंद्रित होगे हवय। स्कूल के परिसर अब पूरा के पूरा पर्यावरण-मित्र (Eco-Friendly) बन गे हवय। कचरा पृथक्करण, बरसात के पानी के संचयन, सौर ऊर्जा संयंत्र अउ वृक्षारोपण जइसने पहल ले हरियाली अउ स्वच्छता ला बढ़ावा मिलत हावय। ‘हरित पहल’ (Harit Pahal) के तहत विद्यार्थी मन सक्रिय रूप म वृक्षारोपण, कचरा प्रबंधन अउ स्वच्छता अभियान म हिस्सा लेथें, जेन ले पर्यावरण प्रती जिम्मेदारी के भावना विकसित होवत हावय।

शिक्षण अउ अधिगम म नवाचार

विद्यालय म राष्ट्रीय शिक्षा नीति 2020 (NEP 2020) के अनुरूप गतिविधि-आधारित, जिज्ञासा-आधारित अउ अनुभवात्मक शिक्षण पद्धति अपनाय गे हवय। ये वही दिशा आय, जेला प्रधानमंत्री श्री नरेन्द्र मोदी जी नये भारत के शिक्षा रूप म देखथें। शिक्षक मन PM SHRI प्रशिक्षण अउ Exposure Visits के माध्यम ले नवा शिक्षण तकनीक सीखिन हें। डिजिटल उपकरण, कला-समेकित शिक्षण अउ परियोजना-आधारित अधिगम ले विद्यार्थी मन के सृजनशीलता अउ समस्या समाधान क्षमता बढ़े हवय। स्कूल म शिक्षण के तरीका म सकारात्मक बदलाव आ गे हवय, जेन ले कक्षा-कक्ष अब अउ जादा आनंदमय अउ सहभागितापूर्ण बन गे हवय।

समावेशी अउ समग्र शिक्षा

खेल, योग, कला, संगीत अउ जीवन-कौशल कार्यक्रम मन के माध्यम ले विद्यार्थी मन के शारीरिक, मानसिक अउ भावनात्मक विकास होवत हावय। शैक्षणिक भ्रमण (Exposure Visits) अउ शैक्षिक यात्रा मन विद्यार्थी मन ला वास्तविक जीवन संग जोड़थें अउ आत्मविश्वास बढ़ाथें।

समुदाय अउ अभिभावक के सहभागिता ले अब विद्यालय अउ समाज के बीच मजबूत संबंध बने हवय। शाला विकास समिति (SMC) अउ ग्रामवासी मन स्कूल के योजना अउ गतिविधि म सक्रिय रूप म भाग लेथें। अभिभावक-शिक्षक बैठक, जागरूकता रैली अउ स्वच्छता अभियान ले स्कूल एक सामुदायिक विकास केंद्र बन गे हवय। ये सहभागिता ले नामांकन म वृद्धि, उपस्थिति म सुधार अउ अभिभावक मन के विश्वास घलो बढ़े हवय।

उपलब्धि अउ प्रगति

• शत-प्रतिशत डिजिटल क्लासरूम के स्थापना।
• कक्षा 10वीं म 100 प्रतिशत परिणाम (सत्र 2024-25)।
• नामांकन म वृद्धि — 2024 म 986 ले बढ़के 2025 म 1028 विद्यार्थी।
• विद्यार्थी मन जिला स्तर (दुर्ग) म पहिला स्थान अउ राज्य स्तर म छठवां स्थान प्राप्त करिन।
• विद्यालय ला “मॉडल पर्यावरण-मित्र अउ नवाचारी परिसर” के रूप म सम्मान मिलिस।
• खेल, चित्रकला, निबंध लेखन, प्रश्नोत्तरी जइसने प्रतियोगिता म विद्यार्थीयन मन जिला स्तर म पहिला स्थान पाइन।
• ‘वीर गाथा’ (Veer Gatha) पहल म सहभागिता कर, देशप्रेम अउ सृजनशीलता के परिचय देइन।
• राज्य स्तर म कला, संस्कृति अउ नवाचार परियोजना म सम्मान मिलिस।
• शिक्षक मन ला नवाचारी शिक्षण पद्धति अउ शैक्षणिक नेतृत्व बर जिला अउ राज्य स्तर म सम्मान मिलिस।

भविष्य के योजना

आगामी बछर म हमर PM SHRI विद्यालय निम्न लक्ष्य मन ऊपर काम करही —

• STEM अउ कृत्रिम बुद्धिमत्ता (AI) आधारित प्रयोगशाला के स्थापना, ताकि विद्यार्थी मन प्रधानमंत्री श्री नरेन्द्र मोदी जी के Digital India Vision संग जुड़ सकंय।
• विद्यार्थी मन बर कौशल विकास केंद्र (Skill Hub) के स्थापना, ताकि जीवन-कौशल अउ व्यावसायिक शिक्षा ला बढ़ावा मिलय।
• शून्य अपशिष्ट (Zero Waste) अउ जैविक खेती जइसने पर्यावरणीय पहल मन ला विस्तार देना।
• अन्य PM SHRI अउ अंतरराष्ट्रीय स्कूल मन संग वर्चुअल सहयोग द्वारा वैश्विक exposure कार्यक्रम सुरुवात करना।
• सब्बो विद्यार्थी बर 100 प्रतिशत समावेशन, 100 प्रतिशत परिणाम अउ 100 प्रतिशत सहभागिता सुनिश्चित करना।

नगपुरा पीएम श्री मॉडल स्कूल आज छत्तीसगढ़ म नवाचार, अनुशासन, पर्यावरण जागरूकता अउ उत्कृष्टता के प्रतीक बन गे हवय जेन नई पीढ़ी ला सीख, सोच अउ सृजन के नवा दिशा दिखावत हावय।