जोहार फिल्मस प्रोडक्शन अउ कोया फिल्मस प्रोडक्शन के बैनर तरि बनत छत्तीसगढ़ी फिलिम 'दण्डाकोटुम' ले छत्तीगसढ़ी सिनेमा में लावण्या दास मानिकपुरी डेब्यू करे बर जावत हाबे। मिले आरो के मुताबिक लावण्या दास मानिकपुरी जगदलपुर के रहइया आए, ओमन सोशल मीडिया म सरलग बुता करत हावय। डांस अउ अभिनय ओमन गजब फैंस फ्लोवर तको बनाये हाबे। 'दण्डाकोटुम' ले लावण्या दास अब छत्तीसगढ़ी सिनेमा म बतौर नायिका नजर आही, ये फिलिम म उंकर संग अमलेश नागेश नायक के रूप म नजर आही। अमलेश नागेश के लेखन अउ निर्देशन म बनत फिलिम के निर्माता रमेश चंद्र श्याम हे।
'दण्डाकोटुम' के पहिली भी लावण्या दास के सोशल मीडिया म लोकप्रियता के बात करे तो फेसबूक म 1.7 लाख फ़ॉलोअर अउ इंस्टाग्राम में 14 लाख फ़ॉलोअर के मया दुलार उनला मिलत हावय। लावण्या दास फोक डांस के अलावा भारतीय नृत्य अउ वेस्टर्न डांस म तको माहिर हावय। येकर अलावा ओड़िया एल्बम म तको ओमन के जबर जलवा हावय।
का हो सकत हे उंकर किरदार-
छत्तीसगढ़ी भाषा म बनत फिलिम के कहानी के बारे में कहे जाथे के दण्डाकोटुम के असल मतलब 'जंगल के परिवार' ले होथे, तव कहानी ल छत्तीसगढ़ बर ऐतिहासिक केहे जा सकत हाबे। जल, जंगल अउ जमीन के गोठ होही, आदिवासी मन के संघर्ष के पीरा, पलायन के मजूबरी, जीव-जनावर के मया अउ प्रकृति के भितरी के मरम ल सिनेमा म उकेरे जाही। कुल मिलाके केहे जाए तो छत्ती सगढ़ के आदिवासी समाज लोक जीवन के झलक देखे बर मिलही।
लावण्या दास मानिकपुरी ल शानदार कलाकारी जीवन के जबर बधाई के संग अवइया फिलिम 'दण्डाकोटुम' के सफलता पर शुभकामना।
छत्तीसगढ़ी अनुवादक - जयंत साहू
संपादक
अंजोर : छत्तीसगढ़ी समाचार
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।