साइबर धोखाधड़ी ले बचाव म जिला अर्थशाला के सराहनीय सफलता

साइबर धोखाधड़ी अऊ आर्थिक ठगी के मामला दिनो-दिन बढ़त जात हे। अइसन रकम के ठगी ले बचाव बर बलौदाबाजार–भाटापारा जिला के पहल ले जिला-स्तरीय अर्थशाला (फाइनेंस लैब) के स्थापना करे गे हावय। ए फाइनेंस लैब नागरिक मन ला साइबर खतरा ले बचाव, आधुनिक वित्तीय प्रणाली, सुरक्षित लेनदेन के तरीका, अऊ डिजिटल बैंकिंग के उपयोग बर जरूरी प्रशिक्षण देथे।

फाइनेंस लैब के मुख्य उद्देश्य – युवा मन ला व्यावहारिक वित्तीय शिक्षा ले जोड़ना

फाइनेंस लैब के मुख्य उद्देश्य हे कि बच्चा–युवा मन ला किताब भितर के ज्ञान के संग–संग व्यावहारिक वित्तीय शिक्षा ले जोड़ना। आज के बेरा म सिरिफ सैद्धांतिक ज्ञान पर्याप्त नई हे; वित्तीय साक्षरता अऊ वित्त के समझ ला बढ़ाना बहुत जरूरी होगे हे।

एही सोच ले फाइनेंस लैब ला अइसे डिजाइन करे गे हे कि student, युवा अऊ आम नागरिक खेल, गतिविधि, मॉडल, सिमुलेशन अऊ नवाचार आधारित प्रशिक्षण के माध्यम ले सहज रूप म वित्तीय बात ला सीख सकंय।

वित्तीय धोखाधड़ी के पहचान अऊ आर्थिक प्लानिंग के जानकारी

फाइनेंस लैब एक अइसे समर्पित स्थान आय जिहां छात्र, निवेशक अऊ आम जनता वास्तविक जीवन के वित्तीय परिदृश्य ऊपर अभ्यास कर सकथे। इहां बजट बनाना, बचत करना, बीमा लेना, निवेश करना जइसे महत्वपूर्ण वित्तीय निर्णय ले संबंधीत कौशल सीखे सकत हें।

फाइनेंस लैब म-

• लक्ष्य कक्ष,
• आकांक्षा कक्ष,
• उड़ान कक्ष

जइसने विशेष रूम बनाय गे हें, जिहां बिजनेस, स्टार्टअप, अऊ उद्यमिता म रुचि रखइय्या विद्यार्थी मन के मार्गदर्शन होही। समूह गतिविधि के माध्यम ले ऑक्शन प्रक्रिया (नीलामी) के जानकारी घलो देय जाही। ए पहल ग्रामीण अंचल के युवा मन बर बहुत फायदेमंद सिद्ध होवत हे।

तकनीक अऊ सुरक्षित वित्तीय सेवा म जुड़े के अवसर-

फाइनेंस लैब के लाभ:

• नागरिक सही अऊ सुरक्षित डिजिटल लेनदेन के तरीका सीख सकिहीं।
• साइबर फ्रॉड, फिशिंग, एटीएम स्कैम, फर्जी निवेश जइसने जाल ले बचई के उपाय जान सकिहीं।
• लोगन मन सही निवेश अऊ वित्तीय प्रबंधन के समझ बढ़ा सकिहीं।
• ग्रामीण–शहरी दुनो समुदाय मं वित्तीय साक्षरता मजबूत होही।

युवा मन ला नवा तकनीक अऊ सुरक्षित वित्तीय सेवामे जुड़ई के अवसर मिलही। बलौदाबाजार जिला के ए पहल आने वाले समय मं देश बर एक अनुकरणीय मॉडल बन सकत हे।