मंत्री लक्ष्मी राजवाड़े ह अजबनगर म पढ़ईया लइका मनला सायकल बांटिस

महिला अउ बाल विकास अउ समाज कल्याण मंत्री अउ भटगांव विधानसभा विधायक लक्ष्मी राजवाड़े सूरजपुर जिला के भटगांव विधानसभा ले गांव अजबनगर पहुंचिसं, जिहां ओमन सरकारी हाई स्कूल म आयोजित सायकल बाटे के कार्यक्रम म मुख्य पहुना के रूप म संघरिस।

कार्यक्रम के बखत मंत्री श्रीमती राजवाड़े ह पढ़इया लइका मनल सायकल दे के उंकर उज्ज्वल भविष्य के सुभकामना दीस। ओमन किहिन के सायकल बाटे योजना ले लइका ल स्कूल अवइया-जवइया म सुगमता होही, जेकर ले शिक्षा के प्रति उंकर निरंतरता बने रइही अउ गुणवत्तापूर्ण अध्ययन ल बढ़ावा मिलही।

ए मउका म स्थानीय जनप्रतिनिधि, शिक्षक-शिक्षिका अउ बड़ संख्या म पढ़ईया अउ ग्रामीणजन मौजूद रिहिस।

छत्तीसगढ़ी अनुवादक - जयंत साहू

अंजोर : छत्तीसगढ़ी समाचार