सूरजपुर जिला के शिवनंदनपुर नगर म बुनियादी सुविधा ला मजबूत करे बर करीब 4 करोड़ रुपए के विकास काम मन ला मंजूरी मिलिस हवय। महिला अऊ बाल विकास मंत्री श्रीमती लक्ष्मी राजवाड़े कहिन कि ए योजना मन ले आम जनता ला सीधा राहत मिलही अऊ इलाका के बुनियादी जरूरत पूरा होही। मंत्री श्रीमती राजवाड़े कहिन- “जनता के सुविधा हमर पहिली प्राथमिकता हवय। विकास काम मन तेजी ले आगू बढ़ाए जावत हे, ताकि लोगन मन ला जतेक जलदी हो सके, लाभ मिल सके।”
अधिकारी मन बताइन कि मंजूर होए प्रमुख काम मन म वार्ड क्रमांक 6 अऊ वार्ड क्रमांक 13 म घाट निर्माण बर करीब 21.87 लाख रुपए के लागत ले मंजूरी मिलिस हवय। ए ले धार्मिक अऊ सामाजिक कार्यक्रम बर सुरक्षित पहुंच बनही अऊ श्रद्धालु मन अऊ गांववाले मन ला नदी ले जुड़ी सुविधा मिलही। वार्ड क्रमांक 12 में फुटपाथ निर्माण बर करीब 27.23 लाख रुपए के मंजूरी मिलिस हवय, जेन ले महिलामन, बचमन अऊ आम लोगन बर सुरक्षित चलन-फिरन के सुविधा मिलही।
वार्ड क्रमांक 13 में करीब 52.94 लाख रुपए के मंजूरी ले नवा चौपाटी बने के स्वीकृति मिलिस हवय। ए ले परिवार मन अऊ जवान मन बर नवा मनोरंजन ठन बनही अऊ संगही स्थानीय व्यापार अऊ रोजगार ला बढ़ावा मिलही।
अऊ बुनियादी काम मन म बी.टी. रोड निर्माण बर 1.28 करोड़ रुपए, सी.सी. रोड निर्माण बर 3.14 करोड़ रुपए अऊ आर.सी.सी. नाली निर्माण बर 1.64 करोड़ रुपए के मंजूरी मिलिस हवय। ए सड़का अऊ नाली बनगे ले जलभराव के दिक्कत कम होही अऊ आना-जाना सुग्घर होही।
नागरिक मन अपन खुशी जाहिर करत कहिन- “ए काम बरसों ले लंबित रहिस। अब शहर के सूरत बदल जाही। छोट व्यापारी, महिलामन अऊ स्कूल के लइका मन सबसे जादा लाभ पाहीं। मंत्री श्रीमती लक्ष्मी राजवाड़े हमर चिंता ला समझके बड़े कदम उठाइन हे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।