महतारी वंदना योजना: बेटी के भविष्य सुरक्षित करे के अनोखा पहल करिस बिदवंती यादव

राज्य शासन डहर ले संचालित महतारी वंदना योजना ह न सिरिफ महिला मन ल आर्थिक सहारा दे हावय, बल्कि ओमा भविष्य के खातिर बचत अउ निवेश के नवा सोच तको पैदा करे हावय। मुख्यमंत्री विष्णुदेव साय के दूरदर्शी सोच अउ संवेदनशील पहल ले छत्तीसगढ़ के महिला मन अब अपन परिवार अउ बेटी मन के भविष्य ल सुरक्षित करे म आत्मनिर्भर होत हावयं। 

महतारी वंदना योजना के हितग्राही  हावय श्रीमती बिदवंती अउ ओला हरेक महीना 1000 रूपिया के मदद रकम मिलत हावय। इही जीवंत उदाहरण बलरामपुर जिला के राजपुर विकासखंड के श्रीमती बिदवंती यादव बने हावयं। वो ए रकम के उपयोग परिवार के दैनिक खरचा म करे के बजाय ओमन एला बेटी अयांशी यादव के पढ़ाई अउ भविष्य सुरक्षित करे म लगाये के फइसला लिस।

आर्थिक तंगी के सेती पहिली वो सरलग बचत नइ कर पात रिहिस, फेर अब महतारी वंदना योजना के रकम ले ये संभव हो सके हावय। श्रीमती यादव हरेक महीना 300 रूपिया सुकन्या समृद्धि योजना के तहत डाकघर खाता म जमा करत हावयं।  उंकर मानना हावय के बेटी के शिक्षा ही उंकर सबले बड़का संपत्ति हावय। वो कहत हावयं के पहिली सोचत रिहिस के बेटी के भविष्य कइसे सुरक्षित होही, फेर अब शासन के मदद ले ये सपना पूरा होवत दिखत हावय। योजना मन के रकम के सही उपयोग कोनो भी परिवार के तकदीर बदल सकत हावय।

श्रीमती यादव ल प्रधानमंत्री मातृत्व वंदना योजना के तको फायदा मिले हावय। जचकी अउ मातृत्व के समय सहयोग मिले के बाद अब वो बेटी के शिक्षा म निवेश करके आत्मविश्वास ले भरे हावयं। उंकर कहानी आज आन महतारी मन के खातिर प्रेरणास्रोत बन गे हावय।

जानबा होवय के सुकन्या समृद्धि योजना केंद्र सरकार के जरूरी बचत योजना हावय, जेकर उद्देश्य बेटी मन के शिक्षा अउ बिहाव जइसे जरूरत के खातिर दीर्घकालिक निवेश ल प्रोत्साहित करे हावय। सरलग बचत ले 21 साल के बखत म परिवार ल पर्याप्त आर्थिक सहयोग मिलत हावय।

बिदवंती यादव मुख्यमंत्री विष्णु देव साय अउ महिला अउ बाल विकास मंत्री श्रीमती लक्ष्मी राजवाड़े के आभार व्यक्त करत कहत हावयं के आज मैं अपन बेटी के पढ़ाई अउ भविष्य के खातिर जेन कुछ करके पात हवं, वो ह सरकार के योजना मन के सेती ले संभव होइस हावय। अब मोला विश्वास हावय के मोर बेटी के भविष्य उज्ज्वल होही।