महिला अउ बाल विकास मंत्री श्रीमती लक्ष्मी राजवाड़े ह महिला अउ बाल कल्याण योजना मन के प्रभावी क्रियान्वयन अउ नवा रणनीति म विचार-विमर्श के खातिर आयोजित राष्ट्रीय सलाह कार्यशाला म वीडियो कॉन्फ्रेंस के माध्यम ले हिस्सा लिस।
केंद्रीय महिला अउ बाल विकास मंत्री श्रीमती अन्नपूर्णा देवी के अध्यक्षता म आयोजित ए कार्यशाला म देश के सबो राज्य के महिला अउ बाल विकास मंत्रीमन अउ विभागीय सचिव मौजूद रिहिन। बइठक म महिला अउ बाल कल्याण ले जुरे प्रमुख योजना, पोषण अभियान, सुरक्षा अउ सशक्तिकरण नीति अउ उंकर प्रभावी क्रियान्वयन म विस्ता्र ले गोठबात होइस। राज्य ले मिले अनुभव अउ सुझाव ल साझा करे गिस, ताकि योजना मन ल अउ जादा प्रभावी बनाये जा सके। ए मउका म श्रीमती लक्ष्मी राजवाड़े ह किहिन के छत्तीसगढ़ महिला अउ बाल कल्याण के क्षेत्र म सरलग प्रगति करत हावय। ए कार्यशाला ले मिले सुझाव अउ अनुभव के फायदा राज्य के योजना मन ल अउ जादा प्रभावी बनाये म मदद मिलही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।