प्रधानमंत्री मोदी 30-31 अक्टूबर ला गुजराज जाहीं। सरदार वल्लभभाई पटेल के 150वीं जयंती के मउका म होत राष्ट्रीय एकता दिवस के समारोह म हिस्सा लेही। एकता दिवस के परेड म “विविधता मं एकता” विषय ऊपर झांकी देखाय जाही। परेड के मुख्य आकर्षण म बीएसएफ के मार्चिंग दस्ता रइही, जेमां खासकर रामपुर हाउंड अऊ मुधोल हाउंड जइसन देसी नस्ल के कुकुर मन सामिल रइहीं।
प्रधानमंत्री एकता नगर म 1,140 करोड़ रूपिया से जियादा के इंफ्रास्ट्रक्चर अऊ विकास परियोजना के उदघाटन अऊ शिलान्यास करहीं। ए परियोजना मन के मकसद पर्यटक मन के अनुभव ला बढ़ाना, पहुँच म सुधार करना अऊ टिकाऊ विकास के पहल ला समर्थन देना हवय। प्रधानमंत्री ‘आरंभ 7.0’ के समापन मं 100 वां फाउंडेशन कोर्स के अधिकारी प्रशिक्षणार्थी मन संग बात करहीं।
पहिला दिन – 30 अक्टूबर
प्रधानमंत्री एकता नगर म इंफ्रास्ट्रक्चर अऊ विकास परियोजना मन के उदघाटन अऊ शिलान्यास करहीं। ए परियोजना मन के उद्देस्य ह एकता नगर इलाका मं पर्यटक अनुभव ला बढ़ाना, पहुँच ला आसान करना अऊ सतत विकास ला बढ़ावा देना हवय। 1,140 करोड़ रूपिया के लागत के ए योजना मन ह इको-टूरिज्म, ग्रीन मोबिलिटी, स्मार्ट इंफ्रास्ट्रक्चर अऊ आदिवासी विकास ला आगू बढ़ाही।
जेन परियोजना मन के उदघाटन होही, उमा राजपीपला म बिरसा मुंडा जनजातीय विश्वविद्यालय, गरुड़ेश्वर म आतिथ्य जिला (पहिला चरण), वामन वृक्ष वाटिका, सतपुड़ा सुरक्षा दीवार, ई-बस चार्जिंग डिपो अऊ 25 इलेक्ट्रिक बस, नर्मदा घाट विस्तार, कौशल्या पथ, एकता द्वार ले श्रेष्ठ भारत भवन (चरण-2) तक के पैदल मार्ग, स्मार्ट बस स्टॉप (चरण-2), डैम रिप्लिका फाउंटेन, जीएसईसी क्वार्टर जइसने काम सामिल हवंय।
प्रधानमंत्री भारतीय शाही राज्य संग्रहालय, वीर बालक उद्यान, खेल परिसर, वर्षा वन परियोजना, शूलपनेश्वर घाट के पास जेटी विकास, अऊ स्टैच्यू ऑफ यूनिटी मं ट्रैवलेटर जइसने परियोजना मन के आधारशिला रखहीं। ए कार्यक्रम के दौरान सरदार पटेल के 150वीं जयंती के अवसर मं 150 रूपिया के स्मारक सिक्का अऊ डाक टिकट जारी करहीं।
दूसर दिन – 31 अक्टूबर
प्रधानमंतरी राष्ट्रीय एकता दिवस के समारोह मं हिस्सा लेहीं अऊ सरदार वल्लभभाई पटेल ला पुष्पांजलि अर्पित करहीं। उहां एकता दिवस के शपथ दिलाहीं अऊ परेड के निरीक्षण करहीं। परेड मं बीएसएफ, सीआरपीएफ, सीआईएसएफ, आईटीबीपी, एसएसबी अऊ अलग-अलग राज्य पुलिस के टुकड़ी सामिल होही।
परेड के खास आकर्षण हवंय- रामपुर हाउंड अऊ मुधोल हाउंड जइसने भारतीय नस्ल के कुकुर संग बीएसएफ के मार्चिंग दस्ता, गुजरात पुलिस के घुड़सवार दस्ता, असम पुलिस के मोटरसाइकिल डेयरडेविल शो, अऊ ऊंट ऊपर सवार बीएसएफ के दस्ता अऊ बैंड।
परेड मं सीआरपीएफ के पांच शौर्य चक्र विजेता अऊ बीएसएफ के सोलह वीरता पदक विजेता ला सम्मानित करहीं, जेन मन नक्सल अऊ आतंकवाद विरोधी अभियान मं बहादुरी दिखाइन हवंय। ऑपरेशन सिंदूर मं बीएसएफ जवान मन के साहस खातिर घलो सम्मान दीही।
ए साल राष्ट्रीय एकता दिवस परेड मं एनएसजी, एनडीआरएफ, गुजरात, जम्मू-कश्मीर, अंडमान-निकोबार, मणिपुर, महाराष्ट्र, छत्तीसगढ़, उत्तराखंड अऊ पुडुचेरी के दस झांकी होही, जेन “अनेकता मं एकता” विषय ऊपर आधारित रहिही। करीब 900 कलाकार मन भारत के शास्त्रीय नृत्य दिखाहीं, जेमां देश के संस्कृति के समृद्धि अऊ विविधता झलकी।
ए साल के समारोह खास हवय काबर कि ए साल पूरा देश सरदार वल्लभभाई पटेल के 150वीं जयंती मना रहिस। प्रधानमंत्री ‘आरंभ 7.0’ के समापन मं 100वां फाउंडेशन कोर्स के अधिकारी प्रशिक्षणार्थी मन संग गोठिया करहीं। ए सातवां ‘आरंभ’ “शासन के पुनर्कल्पना” विषय ऊपर आयोजित हवय। ए फाउंडेशन कोर्स मं भारत के 16 सिविल सेवा अऊ भूटान के 3 सिविल सेवा के 660 अधिकारी प्रशिक्षणार्थी सामिल हवंय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।