भारत सरकार के जनजातीय कार्य मंत्रालय, नई दिल्ली डहर ले आयोजित राष्ट्रीय कॉनक्लेव 2025 म अंबिकापुर जिला के आदिवासी विकास विभाग के सहायक आयुक्त डॉ. ललित शुक्ला ला उत्कृष्ट राज्य मास्टर ट्रेनर (आदि कर्मयोगी अभियान) के रूप म सम्मानित करे गिस। ये सम्मान राष्ट्रपति श्रीमती द्रौपदी मुर्मू के हाथ ले विज्ञान भवन, नई दिल्ली म आयोजित कार्यक्रम म प्रदान करे गिस।
डॉ. शुक्ला ला ये पुरस्कार “धरती आबा जनजातीय ग्राम उत्कर्ष अभियान” के तहत चलत आदि कर्मयोगी अभियान म उनकर उत्कृष्ट काम, प्रशिक्षण अउ जनजातीय नेतृत्व ला सशक्त बनाय म करे जबर योगदान बर मिलिस।
भारत सरकार के जनजातीय कार्य मंत्रालय द्वारा 10 जुलाई 2025 ले सुरू करे गीस “आदि कर्मयोगी अभियान” के परमुख उद्देश्य भारत के जनजातीय समाज बर एक मजबूत, जवाबदेह अउ सहभागी शासन प्रणाली विकसित करना हावय।
ये अभियान ला दुनिया के सबसे बड़े जनजातीय नेतृत्व आंदोलन के रूप म परिकल्पित करे गीस, जेमा कैडर आधारित मॉडल अउ अंतर-विभागीय अभिसरण पर जोर दे गे हावे।
ये अभियान के माध्यम ले आदिवासी समाज के आखिरी छोर तक शासन, योजना अउ सेवा के प्रभावी पहुंच बनाय के लक्ष्य रखे गीस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।