छत्तीसगढ़ राज्योत्सव म होही वायु सेना के शौर्य प्रदर्शन

छत्तीसगढ़ के रजत जयंती बछर म होवत राज्योत्सव म भारतीय वायु सेना अपन शौर्य प्रदर्शन करही। सेना के सूर्यकिरण एरोबेटिक टीम आसमान म जबरदस्त करतब देखाही। ये शौर्य प्रदर्शन म वायु सेना के हेलीकॉप्टर घलो हिस्सा लेही।

अपर मुख्य सचिव सुब्रत साहू के अध्यक्षता म आज मंत्रालय महानदी भवन म राज्योत्सव के तैयारी बर रखे गे बैठक म विमानन विभाग अउ वायु सेना के अधिकारी मन अलग-अलग तकनीकी जानकारी रखिन। अपर मुख्य सचिव  साहू वायु सेना के शौर्य प्रदर्शन ला ध्यान म रखत संबंधित विभाग के अधिकारी मन ला जरूरी दिशा-निर्देश देवाइन।

बैठक म लोक निर्माण, परिवहन, संस्कृति, जनसंपर्क, गृह अउ सामान्य प्रशासन विभाग के संग जिला प्रशासन रायपुर के अधिकारी मन सामिल रहिन।