छत्तीसगढ़ी सिनेमा के परदा म एक नवा चमक अउ रंगीनियत ले भरपूर प्रेम गीत आए हावे – “लाली लुगरा”। ये गीत फिलिम एम.ए. प्रिवियस के पहिली प्रस्तुति आय, जेन ल दर्शक मन अब्बड़ मया दुलार देवत हावंय। सुनील सोनी अउ कंचना जोशी के मधुर स्वर म ये गाना म मया, श्रृंगार अउ छत्तीसगढ़ी परंपरा के गजब समिश्रण देखे ल मिलथे। गीत के बोल अउ संगीत दुनोंच मन ल भाथे, अउ कलाकार मन ह गीत के भाव ल बेहद सुंदर ढंग ले पर्दा म उतारे हावंय।
फिलिम के जानकारी
- Film – M.A Previous (एम.ए. प्रिवियस)
- Star Cast – दीपक साहू, राज वर्मा, हिरण्मयी दास, आराधना साहू, राजेश बाघमारे, अंजलि चौहान, लक्ष्मी झा, संजू साहू, धर्मेंद्र चौबे, संगीता निषाद, राजू कोल्हटकर, शमशीर सिवानी, मोहित जोशी, ओमप्रकाश शर्मा, मनिष झा, राजेश, ओंकार साहू, सोनु यादव, चंद्रप्रकाश चौधरी, शैलेन्द्र, अयूब झा, हितेश वासुदेव
- Production House – आरण्य सिनेमा
- Producer – राज वर्मा
- Director – प्रणव झा
- Story-Screenplay-Dialogue – प्रणव झा
- DOP – राज ठाकुर
छत्तीसगढ़ी मया अउ लोकधुन के संगम
“लाली लुगरा” सिरिफ गीत नइये, एमा छत्तीसगढ़ के माटी के खुशबू, लोकधुन के मिठास अउ नवा पीढ़ी के उमंग झलकथे। नवा पीढ़ी बर बने साफ-सुथरा, युवा जोड़ी बर सीख के हावय– अपन परंपरा अउ संस्कृति ल अपन सिनेमा ले जोड़े हावय। आपो मन सुंदरानी यूट्यूब चैनल म जको फिलिम के सुघ्घर गाना ल देखो।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।