सानिया कंबोज – छालीवुड के चमकत सितारा

 

छत्तीसगढ़ी सिनेमा दिन-दुगुना रात-चौगुना तरक्की करत जात हवय, अउ ए म कई नवा चेहरा अपन किस्मत आजमावत हवंय। एही म एक नांव हे- सानिया कंबोज, जेन ह कम उमर म, पढ़ई के संग-संग अभिनय के दुनिया म अपन मजबूत जगह बनाय हे। सानिया ह आज के तारीख म छत्तीसगढ़ी फिल्म इंडस्ट्री के एक उभरत सितारा के रूप म देखे जात हवय। चलव, जानथन उंकर जीवन यात्रा के बारे म विस्तार ले-

👨‍👩‍👧‍👦 पारिवारिक पृष्ठभूमि अउ जनम

सानिया कंबोज के जनम भिलाई, छत्तीसगढ़ म होइस। ओमन एक मध्यमवर्गीय परिवार ले संबंध रखथें, जिहां साहित्यिक अउ सांस्कृतिक माहौल भरपूर मिलथे। सानिया के परिवार म चार सदस्य हवंय:

मां– नीता कंबोज: एक प्रतिभावान कवयित्री अउ ज्योतिषाचार्य हवंय। ओ मन न सिरिफ साहित्य म रुचि रखथें, बल्कि बेटी के करियर गढ़े म पहिली प्रेरणा घलो ओही रहिस।

बहिनी– ओशीन कंबोज: ओहू घलो छत्तीसगढ़ी गाना अउ फिल्म म काम कर चुके हें। बहिनी के साथ काम करके सानिया ह अपन अभिनय क्षमता ला अउ निखारे हवे।

भाई– उदय सिंह कंबोज: यूट्यूबर हें, जेकर डिजिटल मिडिया म बढ़त देखे जात हे।

सानिया खुद कहिथें – "मोर परिवार मोर ढाल जइसन हवय, जेखर ले मैं हिम्मत पा लेथं। मय जेन बने हवंव, वो सब मोर परिवार के आशीर्वाद अउ समर्थन के बदौलत आय।"

📚 शैक्षणिक पृष्ठभूमि – पढ़ई म घलो चमक

अभिनय म करियर बनावत-बनावत सानिया ह पढ़ई म कभू समझौता नइ करिन। वो ह बखूबी अपन पढ़ई ला निभाइन:

• B.Com (बैचलर ऑफ कॉमर्स)
• M.Com (मास्टर ऑफ कॉमर्स)
• MBA (मास्टर ऑफ बिजनेस एडमिनिस्ट्रेशन)
• सानिया अब PhD करे के योजना म हें। वो कहिथें – "अभिनय जइसन कला म सफल होय बर ज्ञान घलो जरूरी हे।"

ओकर पढ़ई अउ अभिनय म संतुलन बनाये के क्षमता ह उंकर असली शक्ति आय।

🎬 फिल्मी करियर के सुरुआत – संघर्ष ले सफलता तक

सानिया ह अपन फिल्मी सफर के सुरुआत 17 बछर के उमर म करिन। ओ समय जब लइका मन स्कूल-कॉलेज म होथें, सानिया ह कैमरा के सामने अपन भविष्य गढ़त रहिन।

👉 पहिली मौका:

सानिया के मां नीता कंबोज ह एक पंजाबी गाना लिखे रहिन। ओह सानिया के लांचिंग खातिर बनाय गे रहिस। एही गाना ले सानिया के टैलेंट ऊपरवाल मन तक पहुंचिस।

थोड़े दिन बाद सानिया ला फिल्म "रंग रसिया" बर निर्माता मन ले कॉल आय। फिल्म के निर्देशक रिहिस पुष्पेंद्र सिंह अउ निर्माता अशोक तिवारी। एही फिल्म म सानिया ह छत्तीसगढ़ी सिनेमा के सुपरस्टार पद्मश्री अनुज शर्मा के संग लीड रोल म नजर आइस।

रंग रसिया ह सानिया बर टर्निंग पॉइंट साबीत होईस, अउ छालीवुड म ओ ह "नवा चेहरा" ले पहिचान बन गे।

🎞️ प्रमुख फिल्म मन – सानिया के शानदार अभिनय सफर

सानिया अब तक लगभग 10 लेे आगर छत्तीसगढ़ी अउ हिंदी फिल्म म काम कर चुके हें। ओ ह हर फिल्म म अपन भूमिका ला दिल ले निभाइस हे।

🎥 छत्तीसगढ़ी फिल्म:

1. सुंदर मोर छत्तीसगढ़

• निर्देशक: धर्मेंद्र चौबे
• निर्माता: चोवा राम साहू

2. राधे अंगूठा छाप

• निर्देशक: करण खान
•  निर्माता: जेठू साहू

3. खलिहान

• निर्देशक: शेखर सोनी

🎬 हिंदी फिल्म:

चार्जशीट

• निर्देशक: कृपानंद चौधरी
• निर्माता: मुकेश चौहान

ए फिल्म जल्दे रिलीज होय वाला हवय, अउ सानिया के फैंस मन बेसब्री ले ओला देखे बर तियार हवंय।

🎤 एल्बम, सॉन्ग अउ रीजनल सिनेमा

सानिया ह सिरिफ फिल्म म नइ, बल्के पंजाबी, भोजपुरी अउ छत्तीसगढ़ी म्यूजिक एल्बम म घलो अपन अभिनय के जलवा दिखाये हवय। ह हाल ही म एक साउथ इंडियन सॉन्ग म काम करिन, जेकर शूटिंग गोवा म होईस।

 🎬 अपकमिंग फिल्म – बलिदानी गुरू बालक दास

सानिया के अगला फिल्म "बलिदानी गुरू बालक दास" हवय, जेन ह 19 सितंबर ला रिलीज होवत हवय। ए फिल्म एक ऐतिहासिक अउ प्रेरणादायक कहानी ऊपर आधारीत हवय, जेमां सानिया के अभिनय देखे बर दर्शक मन आतुर हवंय।

🌟 प्रेरणा – साई पल्लवी से प्रभावित

सानिया अपन प्रेरणा के रूप म साउथ इंडियन सुपरस्टार साई पल्लवी ला मानथें। ओ कहिथें: - "साई पल्लवी के कॉन्फिडेंस, सादगी अउ अभिनय कला मोला बहुत पसंद हे। मंय घलो ओकरे जइसे अपन कला म सच्चाई अउ सादगी बनाय रखना चाहथंव।"

 💬 सानिया के सोच अउ संदेश

सानिया कहिथें – "एक कलाकार के जिंदगी म संघर्ष रहिथे, फेर जेन मन म थोरिक हिम्मत अउ परिवार के साथ म रहिथें, वो मन हर ऊंचाई ला छू सकथें। मंय पढ़ई घलो जरूरी मानथं, काबर के ज्ञान ह आदमी के असली गहना आय।"

 🎬 सानिया कंबोज: छालीवुड के गौरव

सानिया कंबोज ह आज छत्तीसगढ़ी सिनेमा के एक भरोसेमंद अउ उभरत चेहरा बन चुके हें। कम उमर म एतेक उपलब्धि पाना, उंकर मेहनत, लगन अउ पारिवारिक संस्कार के गवाही देवत हे। वो ह छालीवुड ला नवा ऊंचाई म ल जाय बर तियार हें, अउ हमन ला पूरा भरोसा हे के सानिया जइसे कलाकार ह छत्तीसगढ़ी फिल्म इंडस्ट्री ला देश-दुनिया म पहचान दिलाही।