प्रधानमंत्री सूर्य घर मुफ्त बिजली योजना: छत्तीसगढ़ म होवत हे सौर ऊर्जा के उपयोग, बाढ़त हे पर्यावरण संरक्षण

प्रधानमंत्री सूर्य घर मुफ्त बिजली योजना ले छत्तीसगढ़ म जनता ला न सिरिफ फोकट म बिजली मिलत हे, बल्कि पर्यावरण संरक्षण म घलो सक्रिय योगदान दे पावत हें। सौर ऊर्जा के उपयोग अब हर घर तक पहुँचत जात हे, अउ ये योजना गांव-गांव म पर्यावरण के प्रति जागरूकता लावत हे।

सक्ती जिला के डभरा गांव के रहइया श्रीमती सरस्वती अहिरवार एक बढ़िया उदाहरण हें, जे मन अपन घर के छत ऊपर रूफटॉप सोलर पैनल लगाके स्वच्छ बिजली बनावत हें। सरस्वती दीदी के कहना हे कि "सोलर पैनल ले घर के सब्बो बिजली जरूरत पूरा हो जात हे, अउ बिल म घलो भारी बचत होवथे।"

सरस्वती अहिरवार के मुताबिक, पैनल लगाय के 8 महीना म उंकर घर म कार्बन उत्सर्जन बहुत कम हो गे हे। ओ कहिथें – "मोर पर्यावरण प्रेम अब हकीकत बन गे हे, अउ मोला गर्व हे के अपन घर ले ही साफ-सुथरा ऊर्जा बनावत हंव।"

सरकार ले मिलत सब्सिडी योजना ले आम परिवार घलो अब सौर ऊर्जा म निवेश कर सकत हें। ये योजना ले जनता के बिजली बिल म राहत मिलत हे, संग म हरित ऊर्जा (Green Energy) के उपयोग ला बढ़ावा मिलत हे।

श्रीमती सरस्वती अहिरवार कहिथें– "हर मनखे ला चाही के सौर बिजली अपनाके धरती के रक्षा म योगदान देवय।"

प्रधानमंत्री सूर्य घर योजना अब सिरिफ योजना नइ रह गे हे, बल्कि एक हरित क्रांति बन गे हे जऊन ले छत्तीसगढ़ म सस्टेनेबल विकास, बिजली बचत, अउ क्लाइमेट चेंज के असर ला कम करे म मदद मिलत हे।