उज्बेकिस्तान के वैज्ञानिक दल आही इंदिरा गांधी कृषि विश्वविद्यालय

इंदिरा गांधी कृषि विश्वविद्यालय, रायपुर अउ डेनाऊ इस्टीट्यूट ऑफ इंटरप्रेन्योरशिप एंड पेडागॉजी उज्बेकिस्तान के बीच शिक्षा अउ अनुसंधान बर होए समझौता के सेती डेनाऊ इस्टीट्यूट ऑफ इंटरप्रेन्योरशिप एंड पेडागॉजी उज्बेकिस्तान के एक आठ सदस्यीय प्रतिनिधि मंडल 21 अगस्त 2025 ले इंदिरा गांधी कृषि विश्वविद्यालय के प्रवास म आही अउ इहां दोनो संस्थान के बीच शिक्षा अउ अनुसंधान के क्षेत्र म करे जाये वाला बुता के जायजा ले जाही।

डेनाऊ इस्टीट्यूट ऑफ इंटरप्रेन्योरशिप एंड पेडागॉजी उज्बेकिस्तान के रेक्टर डॉ. रोजिव के अगुवई म आने वाला ये प्रतिनिधि मंडल कृषि विश्वविद्यालय म मौजूद अधोसंरचना अउ अनुसंधान सुविधा के अवलोकन करही। ए मउका म इंदिरा गांधी कृषि विश्वविद्यालय के कुलपति डॉ. गिरीश चंदेल के अध्यक्षता म एक ब्रेन स्टॉर्मिंग सत्र के आयोजन तको करे जाही जेमा दुनों विश्वविद्यालय के वरिष्ठ अधिकारी, वैज्ञानिक अउ प्राध्यापकगण कृषि, पर्यावरण, जल संरक्षण अउ विज्ञान के आन क्षेत्र म शिक्षा अउ अनुसंधान के संभावना म विचार विमश करही। ए मउका म भारतीय कृषि अनुसंधान परिषद के उपमहानिदेशक डॉ. आर.के. अग्रवाल, डॉ. सीमा जग्गी अउ आन अधिकारी तको मौजूद रइही। उज्बेकिस्तान के प्रतिनिधि मंडल राजभवन म राज्यपाल रमेन डेका ले भेंट करके गोठबात तको करही।

जानबा होवय के इंदिरा गांधी कृषि विश्वविद्यालय, रायपुर अउ डेनाऊ इस्टीट्यूट ऑफ इंटरप्रेन्योरशिप एंड पेडागॉजी उज्बेकिस्तान के बीच 17 अप्रैल 2025 ल एक समझौता करे गे रिहिस जेकर तहत इंदिरा गांधी कृषि विश्वविद्यालय, रायपुर अउ डेनाऊ इस्टीट्यूट ऑफ इंटरप्रेन्योरशिप एंड पेडागॉजी उज्बेकिस्तान के पढ़ईयास्नातक, स्नातकोत्तर अउ शोध पाठ्यक्रम के खातिर एक आन के संस्थान म जा सकही। 

दोनो संस्थान के प्राध्यापक अउ वैज्ञानिक तको आपसी समन्वय के तहत एक आन के संस्थान म अध्ययन अउ अनुसंधान कर सकही। समझौते म इंदिरा गांधी कृषि विश्वविद्यालय, रायपुर के तनि ले कुलपति डॉ. चंदेल अउ डेनाऊ इस्टीट्यूट ऑफ इंटरप्रेन्योरशिप एंड पेडागॉजी उज्बेकिस्तान के कोति ले रेक्टर प्रो. आयेबेक रोजिव ह दस्तखत करिस। समझौता के तहत दुनों संस्थान कृषि, पर्यावरण, जल संरक्षण अउ विज्ञान के आन क्षेत्र म शिक्षा अउ अनुसंधान के बुता करही। एमे इंदिरा गांधी कृषि विश्वविद्यालय, रायपुर के पढ़ईया मन ल अन्तराष्ट्रीय स्तर म उच्च शिक्षा अउ अनुसंधान के नवा  मउका मिले होही। समझौता म आगू बढ़े के खातिर दुनों संस्थान के वैज्ञानिक अउ अधिकारी एक आन के संस्थान के दौरा करके उहां मौजूद सुविधा, परिवेश अउ अनुसंधान के क्षेत्र के जायजा लेही। समझौता के पहिली चरण म डेनाऊ इस्टीट्यूट ऑफ इंटरप्रेन्योरशिप एंड पेडागॉजी उज्बेकिस्तान के प्रतिनिधि मंडल 21 अगस्त 2025 ल कृषि विश्वविद्यालय परिसर के दौरा करही।

प्रतिनिधि मंडल इंदिरा गांधी कृषि विश्वविद्यालय, रायपुर  छत्तीसगढ़ के परिवेश, स्थानीय परिस्थिति, मौजूद सुविधा अउ अध्ययन अउ अनुसंधान के क्षेत्र के बारे म जानकारी लेही। इंकर आधार म भविष्य के योजना मन तइयार के जाही। कोन क्षेत्र म अउ कोन पहलु म मिलके शोध/अनुसंधान करे हावय ये तय करे जाही।

21 अगस्त ल विश्वविद्यालय परिसर म एक ब्रेन स्टॉर्मिंग सत्र तको रखे गे हावय जेमा डेनाऊ इस्टीट्यूट ऑफ इंटरप्रेन्योरशिप एंड पेडागॉजी उज्बेकिस्तान के रेक्टर डॉ. रोजिव वरिष्ठ अधिकारी अउ प्रतिनिधि सामिल होही। इंदिरा गांधी कृषि विश्वविद्यालय, रायपुर के कुलपति डॉ. चंदेल, वरिष्ठ अधिकारी अउ वैज्ञानिकगण सामिल होही। 

ए बखत भारतीय कृषि अनुसंधान संस्थान (पबंत) के उपमहानिदेशक तको मौजूद रइही। परिचर्चा के बखत कृषि शिक्षा म करे जा सुधार, शैक्षिक नवाचार अउ डेनाऊ इस्टीट्यूट ऑफ इंटरप्रेन्योरशिप एंड पेडागॉजी उज्बेकिस्तान म मौजूद मउका, अनुसंधान सहयोग के संभावना अउ इंकर क्षेत्र जइसे विषय म सार्थक संवाद करे जाही। सत्र ल इंदिरा गांधी कृषि विश्वविद्यालय, रायपुर के कुलपति डॉ. चंदेल, अउ डेनाऊ इस्टीट्यूट ऑफ इंटरप्रेन्योरशिप एंड पेडागॉजी उज्बेकिस्तान के रेक्टर डॉ. रोजिव तको संबोधित करही। 

परिचर्चा म शिक्षा अउ पढ़इया लइका ले जुड़े मुद्दो के संग-संग अनुसंधान के आने-आने क्षेत्र सब्जी, तिलहन फसल, रेशेदार फसल, मछरी पालन, फॉरेस्ट्री, कृषि रसायन, पौधा संरक्षण, कृषि व्यवसाय अउ उद्यमिता, खाद्य प्रसंसकरण उक विषय म विचार-मंथन करे जाही। डेनाऊ इस्टीट्यूट ऑफ इंटरप्रेन्योरशिप एंड पेडागॉजी उज्बेकिस्तान के प्रतिनिधि मंडल इंदिरा गांधी कृषि विश्वविद्यालय, रायपुर के आने-आने संस्थान म संचालित गतिविधी अउ सुविधा के जायजा तको लेगा जेमा समझौता के तहत भविष्य के रणनीति तइयार करे जा सके। समझौता के अगले चरण म इंदिरा गांधी कृषि विश्वविद्यालय, रायपुर के अधिकारी अउ वैज्ञानिक डेनाऊ इस्टीट्यूट ऑफ इंटरप्रेन्योरशिप एंड पेडागॉजी उज्बेकिस्तान के दौरा करही।