मोना सेन के कला, समाज सेवा अउ राजनीति म बेमिसाल योगदान, दूसरइया पइत बनिस छत्तीसगढ़ राज्य केश शिल्प कल्याण बोर्ड की अध्यक्ष

छत्तीसगढ़ राज्य केश शिल्प कल्याण बोर्ड के अध्‍यक्ष सुश्री मोना सेन ह राजभवन राज्यपाल श्री रमेन डेका ले भेट मुलकात करिन। जानबा होवय के मोना सेन छत्‍तीसगढ़ के एक बड़का लोक कलाकार आए, ओमन पहिली तको ये पद म काम कर चुके हावय। पाछू के भाजपा सरकार ह केशकला बोर्ड के गठन करिन जेमा उंकर पहिली नियुक्ति होए रिहिस, अब उंकर दूसरइया कार्यकाल आए।

मोना सेन पाछ कई बच्‍छर ले कलाकारी ले समय निकाल के समाज सेवा म लगे रिहिस हावय। भाजपा म सामिल होए के बाद ओमन ल राज्‍यमंत्री के दर्जा के संग बड़का पद तको मिले हावय। मोना सेन मन हर पइत ये बात ल स्‍वीकार करथे के ओमन नेता ले पहिली अभिनेत्री आए, कला उंकर रग रग म हावय। मोना सेन पहिली प्राथमिकता कला, कलाकार अउ समाज के सेवा करना हावय।