तेंदूपत्ता संग्रहण वनांचल म बनिस रोजगार अउ आय के जरिया

छत्तीसगढ़ के बनवासी अंचल म ए साल तको तेन्दूपत्ता संग्रहण के बुता तेज़ी ले जारी हावय। राज्य के 902 प्राथमिक लघु वनोपज सहकारी समिति मन के माध्यम ले 10,631 फड़ म ये बुता होवत हाबे। असमय हवा, तूफान, बरसात अउ ओलावृष्टि के सेती ए साल तेन्दूपत्ता फसल ल नुकसान जरूर पहुँचे हावय, फेर सकलइया परिवार के मेहनत अउ सरकार के प्रतिबद्धता ह ए चुनौती ल मउका म बदल दे हावय।

अब तक के रिपोर्ट के अनुसार, 10 लाख ले जादा सकलइया परिवार ह 10.84 लाख मानक बोरा तेन्दूपत्ता फड़ म बेचे हावय, जेकर कीमत लगभग 596 करोड़  रूपिया हावय। ये रकम डीबीटी के माध्यम ले सोज सकलइया के खाता म जमा करे जाही। येकर खातिर सॉफ़्टवेयर म डाटा प्रविष्टि के प्रक्रिया ज़िला यूनियनों डहर ले सुरू कर दीस हावय।

मुख्यमंत्री विष्णु देव साय ह किहिन हावयकितेन्दूपत्ता छत्तीसगढ़ के आदिवासी अंचल के खातिर सिरिफ वनोपज नहीं, बल्कि आजीविका के आधार हावय। हमर सरकार के प्राथमिकता हावय के सकलइया ल उंकर मेहनत के पूरा कीमत समय म अउ पारदर्शी तरीका ले मिले। तेन्दूपत्ता संग्रहण ले जुड़े हर परिवार के जिनगी म आर्थिक सुरक्षा अउ आत्मनिर्भरता के अहसास हो, येकर खातिर हम पूरा प्रतिबद्धता ले बुता करत हावयं। हमन तेंदूपत्ता संग्रहण पारिश्रमिक दर ल 4000 मानक बोरा ल बढ़के 5500 रूपिया करे हावय, जेकर ले सकलइया ल पहिली के तुलना म अब जादा फायदा मिल लगे हावय

तेन्दूपत्ता संग्रहण ले छत्तीसगढ़ के लाखों बनवासी परिवार ल हरेक साल सम्मानजनक आय मिले हावय। ये आय न सिरिफ उंकर परिवार के दैनिक जरूरत के पूर्ति करत हावय, बल्कि शिक्षा, स्वास्थ्य अउ आजीविका के क्षेत्र म तको सुधार लात हावय।

तेन्दूपत्ता खरीदी के संग-संग अभी के बेरा म पत्ता के उपचार, बोरा भराई अउ गोदाम म परिवहन के बुता तको सुरू हो चुके हावय। सरकार ल उम्मीद हावय के करार संग्रहण लक्ष्य के प्राप्ति लघियात हो जाही।

ये पूरा प्रक्रिया छत्तीसगढ़ ल वनोपज आधारित रोजगार सशक्त राज्य के दिशा म तेजी ले आगू बढ़ात हावय।