छत्तीसगढ़ शासन डहर ले प्रदेस के लइका मनला दे जाये वाला राज्य वीरता पुरस्कार के खातिर 2 जनवरी 2025 तक आवेदन मंगाए गे हावयं। कोनो घटना बिसेस म उंकर अदम्य साहस के खातिर हरेक साल पांच बालक-बालिका ल राज्य वीरता पुरस्कार दे जाथे। येकर तहत पांच बालक-बालिका ल 25-25 हजार रूपिया अउ प्रशस्ति पाती पुरस्कार के रूप म दे जाही।
आवेदन करइया जिला कार्यालय महिला अउ बाल विकास विभाग म 2 जनवरी 2025 तक आवेदन जमा कर सकत हावयं। पुरस्कार के खातिर बालक-बालिका के उमर घटना दिनांक ल अधिकतम 18 साल तक होना चाही। वीरता बुता 1 जनवरी 2024 ले 31 दिसंबर 2024 के बीच के होना चाही। आवेदन करइया छत्तीसगढ़ के निवासी होना चाही । ये पुरस्कार कोनो तको बालक नोनी ल सिरिफ एक ही बार मिलही।
राज्य वीरता पुरस्कार प्रविष्टि 2025
प्रविष्टि म बालक या नोनी मन के पूरा परिचय बालक-बालिका डहर ले कोनो घटना बिसेस म अदम्य साहस, शौर्य अउ बुद्धिमत्ता के क्षेत्र म करे गे बुता के सप्रमाण विस्ता्र ले जानकारी उल्लेखित हो। आवेदन करइया ल ये परमान पाती तको संलग्न करे के होही के उपलब्धि वास्तविक तथ्य म आधारित हावय। संग ही समाचार पत्र-पत्रिका के कतरन, पुलिस डायरी जेमा घटना के विवरण दर्शित हो संग ही सक्षम प्राधिकारी डहर ले सत्यापित बालक-बालिका के दू पासपोर्ट साइज फोटोग्राफ संलग्न करे होही। बुता घटना के विस्ता्र ले विवरण (सक्षम प्राधिकारी डहर ले प्रमाणित) आन सुसंगत दस्तावेज, जमा करे के होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।