मोर छइंहा भुइंया 3 के मुहूर्त, सतीश जैन के टीम म ए दरी कोन-कोन होही ? देखो

Deepak Sahu, Ishika Yadav, Lakshit Jhanjhi, Satish Jain

छत्तीसगढ़ी सिनेमा के सिल्वर जुबली निर्देशक सतीश जैन के ड्रीम प्रोजेक्ट 'मोर छइंहा भुइंया 3' के मुहूर्त आरो मिलत हाबे। ये संबंध म अभिनेत्री इशिका यादव ह सोशल मीडिया म फोटो शेयर करत लिखे हावय के फाइनली मोर छइंहा भुइंया 3। फोटो म अंकर संग निर्माता निर्देशक सतीश जैन के संग अभिनेता दीपक अउ लक्षित तको दिखत हाबे।

Deepak Sahu, Satish jain, Mnoj Verma, lakshit Jhanjhi. Ishika Yadav

सतीश जैन प्रोडक्शन के बैनर तरी बनत छत्तीसगढ़ी फिल्म मोर छइंहा भुइंया 3 के भाग 1 अउ 2 के सफलता ल देखत यहू पइत कुछ नवा करे उम्मीद हावय। जानबा होवय के छत्तीसगढ़ी फिल्म मोर छइंहा भुइंया ह पहिली सफल रंगीन फिल्म आए जेन बच्छर 2000 म छत्तीसगढ़ बने के संग सिनेमा जगत म छत्तीसगढ़ी के प्रचार म महती भूमिका अदा करे रिहिस।

सतीश जैन जी ल उंकर छत्तीसगढ़ी सिनेमा म जबर योगदान ल देखत छत्तीसगढ़ शासन डहर ले येसो 'किशोर साहू राष्ट्रीय अलंकण' ले विभूषित करे गे हावय। सतीश जैन के बनाये सबो छत्तीसगढ़ी फिल्म सिल्वर जुबली के रिकार्ड बनाये हाबे इही सेती सतीश जैन ल छॉलीवुड म सिल्वर जुबली निर्देशक कहे जाथे। बहरहाल अभी तो मोर छइंहा भुइंया 3 के मुहूर्त के आरो मिले हाबे, सिनेमा ले जुरे अऊ बर जानकारी सोशल मीडिया म हमर संग बने राहव।