छत्तीसगढ़ी सिनेमा म एक अउ नवा युवा अभिनेता आवथे, जेकर नाम हाबे पुमंगराज। पुमंगराज ह चकोर फिल्म के बैनर तरी बने छत्तीसगढ़ी फिल्म 'बेटा' म बतौर नायक डेब्यू करत हाबे। पुमंगराज बारे म कहे जावथे के वो हीरो के रूप म छॉलीवुड म अवइया सबले कम उमर के कलाकार होही। प्रोडक्शन टीम कोति ले मिले आरो के मुताबिक फिल्म बेटा 22 नवंबर 2024 ले सिनेमाघर म प्रदर्शित होही।
निर्माता निर्देशक चंद्रशेखर चकोर के तीसरइया फीचर फिल्म आए बेटा ह। येकर पहिली उंकर महान पारिवारिक फिल्म ‘गुरांवट’ गजब चर्चा म रिहिस। ओ दौर म एक नवा कहानी अउ छत्तीसगढ़ी संस्कृति ल पर्दा म देखइया पहिली फिलिम रिहिस। बाद म ‘चक्कर गुरूजी के’ अइस जेन म छत्तीसगढ़ी भासा के लड़ई ल पर्दा म देखाये गे रिहिस। अउ अब बेटा के टीजर अउ गाना ले कहानी के अंदाजा लगाबे त यहू एक ठेठ छत्तीसगढ़िया परिवार के बेटा के कहानी आए।
'बेटा' म पुमंगराज के संग हेमा शुक्ला के शानदार जोड़ी देखे बर मिलही। फिल्म चंद्रशेखर चकोर, शालिनी विश्वकर्मा, लेखाश्री, शिवआनंद, घनश्याम वर्मा, सुदामा शर्मा, मीना विश्वकर्मा, बलराज पाठक, कुलेश्वर ध्रुव आदि अहम किरदार म नजर आही। फिलिम के प्रदर्शन के आधिकारिक घोसना होहे 22 नवंबर 2024 तो देखे बर झन भुलाहू, पूरा परिवार देखे बर आहू।
- फिल्म: बेटा
- निर्माता/निर्देशक/लेखक- चंद्रशेखर चकोर
- स्टार कास्ट- पुमंगराज वर्मा, हेमा शुक्ला, चंद्रशेखर चकोर, शालिनी विश्वकर्मा, लेखाश्री, शिवराम, घनश्याम वर्मा, सुदामा शर्मा, मीना विश्वकर्मा आदि।
- गीत/संगीत- चंद्रशेखर चकोर
- छायांकन- पवन रेड्डी
- संपादन- नारायण वर्मा
- भाषा- छत्तीसगढ़ी
- प्रदर्शन- 5 जुलाई 2024
- वितरक- अमन फिक्चर्स, अलक राय
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।