जनसम्पर्क संचालनालय के नव पदस्थ आयुक्त डॉ. रवि मित्तल ह छत्तीसगढ़ संवाद के सभा कक्ष म जनसम्पर्क संचालनालय अउ संवाद के अधिकारी मनके बइठक लेके आने-आने शाखा के प्रभारी अधिकारी मनले विभागीय कार्यकलाप के जानकारी लिस। ओमन अधिकारी मनले परिचय करिन। ओमन अधिकारी मनले शासन के योजना मन के बढि़या प्रचार-प्रसार के खातिर जरूरी निर्देश दिस।
ए मउका म संचालक जनसम्पर्क अजय कुमार अग्रवाल, अपर संचालक जे.एल.दरियो, उमेश मिश्रा, संजीव तिवारी, आलोक देव, श्रीमती हर्षा पौराणिक अउ संतोष मौर्य सहित संचालनालय के समिलहा संचालक, उप संचालक, सहायक संचालक सहित संचालनालय अउ संवाद के अधिकारी मौजूद रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।