अंजोर.सिनेमा। चकोर फिल्मस् के बैनर म बने महान पारिवारिक फिल्म ‘बेटा’ सिनेमाघर म 5 जुलाई के आये के आरो मिले हावय। फिल्म के निर्माता/निर्देशक चंद्रशेखर चकोर कोति ले सोशल मीडिया म ये जानकारी साझा करे गे हावय के अवइया 5 जुलाई 2024 के फिल्म रिलीज होही।
चकोर फिल्मस के तीसरइया फीचर फिल्म आए, येकर पहिली महान पारिवारिक फिल्म ‘गुरांवट’ गजब चर्चा म रिहिस। ओ दौर म एक नवा कहानी अउ छत्तीसगढ़ी संस्कृति ल पर्दा म देखइया पहिली फिलिम रिहिस। बाद म ‘चक्कर गुरूजी के’ अइस जेन म छत्तीसगढ़ी भासा के लड़ई ल पर्दा म देखाये गे रिहिस। अब बेटा रिलीज होवत हाबे। बेटा के कहानी अउ कलाकार मनके बारे म तो पूरा जानकारी टीजर रिलीज होए के बादे पता चलही।
बहरहाल बेटा के टीजर अप्रेल म ही आये के संभावना हावय। मिले आरो के मुताबिक छत्तीसगढ़ी फिल्म बेटा के शूटिंग रायपुर अउ आरंग के आसपास के खूबसूरत लोकेशन म करे गे हावय। कुछ दिन पहिली फिल्म 'बेटा' के फस्ट लूक सोशल मीडिया म दिखिस जेमा निर्माता निर्देशक चंद्रशेखर चकोर ठेठवार के गेटअप म नजर अइस। लोकरंग म रंगे जम्मो कलाकार मनके वेशभूषा ले लगिस के गुरांवट के बाद फेर एक पइत ओमन छॉलीवुड म महान पारिवारिक फिल्म लेके आवत हाबे। तो अगोरा करव। रिलीज डेट के घोसना के बाद ले सोशल मीडिया म टीजर, गाना अउ ट्रेलर के आनंद तको लेना हावय।
- फिल्म: बेटा
- निर्माता/निर्देशक/लेखक- चंद्रशेखर चकोर
- स्टार कास्ट- पुमंगराज वर्मा, हेमा शुक्ला, चंद्रशेखर चकोर, शालिनी विश्वकर्मा, लेखा, शिवराम, घनश्याम वर्मा, सुदामा शर्मा, मीना विश्वकर्मा आदि।
- गीत/संगीत- चंद्रशेखर चकोर
- छायांकन- पवन रेड्डी
- संपादन- नारायण वर्मा
- भाषा- छत्तीसगढ़ी
- प्रदर्शन- 5 जुलाई 2024
- वितरक- अमन फिक्चर्स, अलक राय
bollywood actress and actor png hd photo download
 |
| Chandrashekhar chakor |
 |
| Ghanshyam Verma |
 |
| Hema Shukla |
 |
| PumangRaj Verma |
 |
| Shalini Vishwkarma |
 |
| Shivram |
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।