अंजोर.रायपुर,ए। अंतर्राष्ट्रीय महिला दिवस के उपलक्ष्य म 10 मार्च के प्रदेस के राजधानी रायपुर के संग सबो जिला मुख्यालय, ब्लॉक मुख्यालय, नगरीय निकाय क्षेत्र म महतारी वंदन सम्मेलन के आयोजन करे जाही। ए मउका म प्रधानमंत्री नरेन्द्र मोदी राज्य मुख्यालय, जिला मुख्यालय, ब्लॉक मुख्यालय अउ नगरीय निकाय म आयोजित कार्यक्रम ले सोज वर्चुअल जुड़के लोगन ल संबोधित करही अउ हितग्राही मन ले बात करही। ए मउका म महतारी वंदन योजना के तहत प्रदेस के 70 लाख ले जादा महिला मन के खाता म डी.बी.टी. के माध्यम ले पहिली किश्त के अंतरण करे जाही। येकर ले सबोच महीना महिला मन के खाते म 1000 रूपिया आही।
राजधानी रायपुर के साइंस कॉलेज मैदान म मंझनिया 1 बजे आयोजित मुख्य कार्यक्रम म मुख्यमंत्री विष्णु देव साय सामिल होही। ए मउका म मुख्यमंत्री साय महिला स्व-सहायता समूह अउ विभागीय गतिविधी म आधारित स्टॉल के अवलोकन करही। सम्मेलन म मुख्यमंत्री साय छत्तीसगढ़ के बाल बिहाव मुक्त करे के अभियान के सुरू तको करही। ए मउका म महिला अउ बाल विकास मंत्री श्रीमती लक्ष्मी राजवाड़े सहित आन जनप्रतिनिधि तको उपस्थित रइही।
जानबा होवय के प्रधानमंत्री नरेन्द्र मोदी डहर ले प्रदेस के जनता के दीस गे गारंटी के पूरा करत होइस राज्य सरकार डहर ले प्रदेस म 01 मार्च 2024 ले नवा महतारी वंदन योजना लागू करे गे हावय। योजना के तहत 21 साल ले जादा उमर के पात्र बिहाता महिला मन के एक-एक हजार रूपिया के मासिक वित्तीय मदद दीस जाही। ए रकम ले महिला मन के 12 हजार रूपिया वार्षिक मिले होही। योजना के तहत 10 मार्च के पहिली बार रकम जाही। येकर ले लगभग 70 लाख ले जादा महिला मन लाभान्वित होही।
महतारी वंदन योजना के क्रियान्वयन के खातिर महिला अउ बाल विकास विभाग के नोडल विभाग बनाये गे हावय। सम्मेलन म विभागीय गतिविधी म आधारित सांस्कृतिक कार्यक्रम के आयोजन के संग महिला स्व-सहायता समूह डहर ले उत्पादित सामान के बेचे बर स्टॉल तको लगाए जाही। संग ही विभागीय योजना मन के जानकारी तको दीस जाही। जिला स्तर म आयोजित कार्यक्रम म छत्तीसगढ़ के बाल बिहाव मुक्त करे के संकल्प तको ले जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।