मुख्यमंत्री खाद्यान्न सुरक्षा योजना के तहत मिलही फोकट म चावल, बजट म 3 हजार 400 करोड़ रूपिया के प्रावधान

अंजोर.ए। मुख्यमंत्री विष्णु देव साय के सरकार के वित्तीय साल 2024-25 के बजट म मुख्यमंत्री खाद्यान्न सुरक्षा योजना ले 3 हजार 400 करोड़ रूपिया के प्रावधान करे गे हावय। राज्य शासन डहर ले मुख्यमंत्री खाद्यान्न सुरक्षा योजना के तहत पात्र हितग्राही मन के अवइया पांच साल तक फोकट म खाद्यान्न उपलब्ध कराइन के फइसला ले गे हावय।

खाद्य नागरिक आपूर्ति उपभोक्ता संरक्षण- 
वितरण- फोर्टिफाइड राईस, शक्कर, गुड़, आयोडिन नमक

खाद्य नागरिक आपूर्ति उपभोक्ता संरक्षण मंत्री दयालदास बघेल ह बताइन के महिला मन अउ लइका के कुपोषण ले बचाये के खातिर फोर्टिफाइड राईस के बाटे के खातिर 209 करोड़ रूपिया के प्रावधान करे गे हावय। इही रकम ले शक्कर बाटे के खातिर 150 करोड़ रूपए, गुड़ बाटे के खातिर 81 करोड़ रूपए, अंत्योदय अन्न योजना के ले चना बाटे के खातिर 400 करोड़ रूपए, रियायती दर म आयोडिन नमक बाटे के खातिर 139 करोड़ रूपिया के प्रावधान करे गे हावय। इही रकम ले उपभोक्ता कल्याण अंशदान फंड योजना के ले 20 करोड़ रूपिया दे हावय।