अभिनेता ले नेता बने अनुज शर्मा करिस मतदान, धरसींवा ले हाबे मैदान म

अंजोर.ए। छत्तीसगढ़ विधानसभा के चुनाव म ए दारी अभिनेता ले नेता बने छॉलीवुड स्टार अनुज शर्मा एक प्रत्यासी के रूप वोट डारिस। ओमन भारतीय जनता पार्टी के सदस्यता ले के बाद ले चुनाव के तइयारी करत रिहिसे। वइसे भी जब कोनो बड़का आदमी पार्टी म जाथे तो ये निश्चित रिथे के ओमन चुनाव लड़ही। अजुन शर्मा तको सुरू ले ही चुनाव लड़े के तइयारी म लगे रिहिस। भाजपा ओमन ला धरसींवा ले चुनाव मैदान म उतारिस। हालाकि सुरू म पार्टी के कार्यकर्ता मन उंकर विरोध करिस,फेर शांति ले चुनाव उरकगे। धरसींवा ले ही कांग्रेस के छाया वर्मा अउ जोहार छत्तीरसगढ़ पार्टी ले अमित बघेल तको चुनाव मैदान म हाबे। तीनों छत्ती सगढ़ी कला, साहित्य अउ संस्कृति के समर्थक आए अब देखना होही के लोगन कोन ल पसंद करथे, तो अगोरा करव 3 दिसंबर के जब नतीजा आही।