पारंपरिक पोला तिहार के बधाई अउ सुभकामना : मुख्यमंत्री भूपेश बघेल

अंजोर.रायपुर। मुख्यमंत्री भूपेश बघेल ह प्रदेसवासी बिसेस रूप ले किसान भाइ मनला पारंपरिक पोला तिहार के बधाई अउ सुभकामना दीस हावय। ए मउका म ओमन सबो नागरिक के सुख-समृद्धि अउ खुसयाली के कामना करे हावय। पोरा तिहार के पहिली संझा म जारी अपन शुभकामना संदेश म बघेल ह किहिन हावय के पोला तिहार छत्तीसगढ़ के परम्परा, संस्कृति अउ लोक जिनगी के गहराई ले जुड़े परब हावय। ये हमर जिनगी म खेती-किसानी अउ पशुधन के महत्ता बतावत हावय। ए दिन घर म उत्साह ले बइला अउ जाता-पोरा के पूजा करके अच्छा फसल अउ घर के धन-धान्य ले परिपूर्ण होये के खातिर प्रार्थना करे जात हावय।

श्री बघेल ह किहिन के तीज-तिहारहमारी संस्कृति अउ परम्परा के संवाहक होवत हावयं। ये हमर धरोहर के अगली पीढ़ी तक पहुंचात हावयं। पोला के दिन माटी के बर्तन अउ बइला ले खेलके लइका अनजाने ही अपन माटी अउ उंकर सरोकार ले जुड़त चले जात हावयं। बघेल ह किहिन के ये हमर जुमेदारी हावय के आने वाले पीढ़ी ल अपन समृद्ध संस्कृति के परिचय कराएं अउ उंकर संरक्षण अउ संवर्धन के प्रयास करें।