अंजोर.रायपुर। संस्कृति विभाग ले आदिवासी लोककला अकादमी डहर ले 11 दिवसीय घड़वा कला कार्यशाला 11 सितम्बर ले 21 सितम्बर तक आयोजित करे जात हावय। ये कार्यशाला राजधानी रायपुर के सिविल लाईन्स स्थित महंत घासीदास संग्रहालय परिसर म रोज बिहनिया 10.30 बजे संझा 5.30 बजे तक चलही।
छत्तीसगढ़ आदिवासी लोककला अकादमी के अध्यक्ष नवल शुक्ल ले मिले जानकारी के मुताबिक आदिवासी लोककला घड़वा कला ल प्रोत्साहित करे अउ सहेजे के खातिर घड़वा कला कार्यशाला के आयोजन करे जात हावय। कार्यशाला म घड़वा कला के शिल्पकार कोण्डागांव के सर्वश्री फूलसिंह बेसरा, मोहन नेताम, पीलू बघेल, नरेन्द्र बेसरा अउ सिकंदर बघेल, खोरखेसा के गणेश कश्यप, बंरकई के जयराम नाग, बिसराम नाग, करनपुर के टेडूराम बघेल, लुदरू सागर, भाग लेवइया कलाकार के रूप म सामिल हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।