अंजोर.रायपुर। राष्ट्रपति श्रीमती द्रौपदी मुर्मु ह गांधीनगर ले ’आयुष्मान भव’ अभियान ल सुरू करिन। छत्तीसगढ़ के उप मुख्यमंत्री अउ स्वास्थ्य अउ परिवार कल्याण मंत्री टी.एस. सिंहदेव ह अंबिकापुर ले शुभांरभ कार्यक्रम म वर्चुअली जुड़के राज्य म ए अभियान के शुरुआत करिस। देश के हर गांव अउ शहर तक स्वास्थ्य सेवा के अधिकतम कवरेज दे खातिर ये अभियान चलाये जात हावय। आयुष्मान भव अभियान के ले अवइया 17 सितम्बर ले आयुष्मान तुँहर दुवार 3.0 के तहत पात्र मनखे मन के आयुष्मान कारड के बाटे जाही। आयुष्मान मेला के रूप म हेल्थ एंड वेलनेस सेंटर्स अउ सामुदायिक स्वास्थ्य केन्द्र म साप्ताहिक स्वास्थ्य मेला के आयोजन करे जाही। रक्तदान शिविर के आयोजन करके स्वैच्छिक रक्तदान ले जुड़े जानकारी दे जाही। लोगन के स्वैच्छिक अंगदान के खातिर जानकारी दे के संग ही येकर खातिर प्रतिज्ञा तको कराये जाही। अभियान के तहत 2 अक्टूबर ले गांव अउ वार्ड स्तर म आयुष्मान सभा आयोजित करके स्वास्थ्य देखभाल योजना मन के बारे म जागरूकता बढ़ाये जाही।
उप मुख्यमंत्री टी.एस. सिंहदेव ह राज्य म ’आयुष्मान भव’ योजना के सुरू करत होइस सबो स्वास्थ्य योजना मन अउ कार्यक्रम के फायदा जरूरतमंद तक पहुंचिसने के किहिन। ओमन स्वास्थ्य संबंधी योजना मन अउ कार्यक्रम के बारे म जादा ले जादा लोगन के जागरूक करके येमा ले जोड़ने के किहिन। सिंहदेव ह कार्यक्रम म हितग्राही मन के आयुष्मान कारड के बाटे करिन। ओमन टीबी के मरीज मन के गोद ले वाला निक्षय संगवारी के सम्मानित तको करिन। सिंहदेव ह खुद दस मरीज मन के गोद लिस हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।