छत्तीसगढ़ी सिनेमा के लोकप्रियता अब देस दुनिया ले बाहिर तको पहुंचत हाबे। केउ फिल्म फेस्टीवल म लघु फिल्म निर्माता मन बढ़ चढ़के हिस्सा लेवत हाबे। मनोज वर्मा के भूलन कांदा ल राष्ट्रीय पुरस्कार अउ राज्य स्तरीय पुरस्कार मिले के बाद यहू कोति जबर काम होवत हाबे। अउ सब म नायिका मनके भी जबर भूमिका होथे। अभी के दौर याने 2023 म जेन अभिनेत्री मन अपन कलाकारी ले लोगन के दिल म बसे हावय, अउ अवइया दिन जेकर फिल्म देखे बर मिलही ओमन ल टॉप 10 के क्रम ले सोरियाथन-
एल्सा घोष ELSH GHOSH
1. एल्सा घोष- अभी नंबर एक म चलत हाबे साउथ ले आये गैर छत्तीसगढ़ी कलाकार एल्सा घोष। वइसे तो एल्सा ह पाछू चार बछर ले इहां काम करत हाबे। उंकर 4 फिल्म तको रिलीज हाबे हावय। फेर अभी सतीश जैन के निर्देशन म बने छोटे लाल साहू के फिल्म 'ले सुरू होगे मया के कहानी' म ओमन ल एक बड़का चिनहारी मिलिस छॉलीवुड म। ये फिल्म म अमलेश नागेश तको बतौर नायक काम करिस।
अनिकृति चौहान ANIKRTI CHAUHAN
2. अनिकृति चौहान- सिनेमा के सबले चर्चित चेहरा लेकर कई ठी फिल्म हिट साबित होए रिहिस। अनिकृति चौहान के वर्तमान म कोनो फिल्म सिनेमाघर म नइ लगे हावय। लेकिन ओमन के वीडियो एल्बम अनुज शर्मा के संग काफी लोकप्रिय होइस। अनिकृति के लोकप्रियता के यहू कारण हाबे के ओमन के केउ ठी फिल्म सिनेमाघर ले उतरे के बाद अब यूट्यूब म आवथे इही पाके उंकर नाम के सोर हाबे।
अनिता बरेठ ANITA BARETH
3. अनिता बरेठ- अनिता बरेठ के सिनेमा जीवन म ये पहला अउ बड़का मउका आए तब ओमन के गोठ छत्तीसगढ़ी सिनेमा म होए लगे हावय। सिनेमा बर अनिता कोनो नवा नाम नोहय, एल्बम अउ शार्ट फिल्म म ओमन सरलग दर्शक के बीच छाये रहे हावय। अनिता बरेठ के अभी अउ छत्तीसगढ़ी फिल्म अवइया हावय फेर कुछ दिन पहिली सिनेमाघर म बतौर नायिका ओमन 'सरई' फिल्म शानदार अदाकारी ले चर्चित होइन।
हेमा शुक्ला HEMA SHUKLA
4. हेमा शुक्ला- अभिनेत्री हेमा शुक्ला भले ही फिचर फिल्म म बड़का भूमिका नइ आये हावय लेकिन उंकर नाम के चर्चा छत्तीसगढ़ी सिनेमा म होथे। ओमन के एल्बम म काफी नाम हावय। सोशल मीडिया म काफी सक्रिय रिथे। ओमन के वीडियो एल्बम आन मनले अलगेच अंदाज के होथे।
काजल सोनबेर kAJAL SONBER
5. काजल सोनबेर- काजल सोनबेर बहुत अकन छत्तीसगढ़ी फिल्म म काम कर चुके हावय। कुछ दिन पहिली उंकर एक फिल्म रिलीज होए रिहिस जेला दर्शक मन बनेच मन करिस। अभी काजल के केउ ठी फिल्म कतार म हावय।
सोनाली सहारे SONALI SAHARE
6. सोनाली सहारे- छत्तीसगढ़ी सिनेमा म कुछ चुनिंदा कलाकार अइसे हावय जेन मन पहिली फिल्म ले सफलता के सुवाद चखे हावय, ओमा एक नाम सोनाली सहारे के तको हावय। सोनाली के अभी फिल्म सिनेमाघर म नइ लगे हावय, लेकिन सोशल मीडिया म ओमन के जुन्ना बुता के गजब चर्चा हाबे। अवइया दिन म उंकर फिल्म सिनेमाघर म देखे बर मिलही।
शालिनी विश्वकर्मा SHALINI VISHWKARAMA
7. शालिनी विश्वकर्मा- छॉलीवुड म फिचर फिल्म म बड़का भूमिका नइ निभाये बाद भी एल्बम के बलौदत जबर नाम कमइया शालिनी विश्वकर्मा छत्तीसगढ़ी सिनेमा के सबले लोकप्रिय चेहरा बने हावय। ओमन के अभी कई गीत सोशल मीडिया म ट्रेडिंग म हावय।
मुस्कान साहू MUSKAN SAHU
8. मुस्कान साहू- छत्तीसगढ़ी सिनेमा के खुबसूरत अदाकारा मुस्कान साहू बहुप्रतिभा के धानी हावय, ओमन अभिनय के संग डांस अउ गायकी म तको महारत रखथे। मुस्कान साहू के वर्तामान म सिनेमाघर कोनो फिल्म नइये तभो ले जुन्ना वीडियो फिल्म अउ एल्बम के दम दर्शक मनके बीच अपन सोर बगराये हावय। ओमन के लोकमंच तको हावय, कुछ दिन म फिल्म तको सिनेमाघर म आही।
मोना सेन MONA SEN
9. मोना सेन- ओल्ड इस गोल्ड के दौर सदा चले हे अउ चलत रइही। ये कड़ी म मोना सेन के नाव सबले पहिली आथे। मोना सेन छत्तीसगढ़ी कला जगत बर बड़का नाम हाबे। मोना सेन कुछ ही चुनिंदा फिल्म करे हावय, फेर ओमन के जुन्ना दिन के लोकप्रियता अभी भी कम नइ होए हाबे। सोशल मीडिया म अभी घलोक मोना सेन छाये रिथे। राजनीति ले बखत निकाल के बीच बीच म ओमन एल्बम म काम करते रिथे।
दीक्षा जायसवाल DIKSHA JAISWAL
--------- सितारों की बायोग्राफी, लिंक पर क्लिक कर देखें ---------
- फरनाज शेट्टी
- पीहू मिरी
- प्रियांशी देशमुख
- किरण चौहान
- रेणु राय
- मेघा साहू
- प्रताप जंघेल
- काजल राघवानी
- अनिता बरेठ
- काजल सोनबेर
- सतीश साहू
- हेमा शुक्ला
- मनीष कोठारी
- निशा सेन
- पूजा देवांगन
- लिप्सा मिश्रा
- संतोष निषाद
- पायल साहू
- तान्या तिवारी
- प्रगति राव
- मुस्कान साहू
- मन कुरैशी
- ज्योत्सना ताम्रकार
- संजू साहू
- अनिकृति चौहान
- लेजली त्रिपाठी
- रानी चटर्जी
- रीमा सिंह
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।