अंजोर.कबीरधाम। राजीव गांधी किसान न्याय योजना के पहिली किस्त मुख्यमंत्री भूपेश बघेल के डहर ले 22 मई 2023 के जारी करे गे रिहिस। एमे कबीरधाम जिला के 2238 किसान मन के खाते म रकम अपूर्ण जानकारी के सेती हस्तांतरित नइ हो पाई रिहिस। ये जानकारी प्रदेस के वन मंत्री अउ कवर्धा के विधायक मोहम्मद अकबर के संज्ञान म आईस। ओमन तुरते कार्यवाही करत कलेक्टर कबीरधाम जन्मेजय महोबे ल निर्देश दे के ये किसान मन के खाता के अपडेट (अद्यतन) करवा के किसान न्याय योजना के रकम एमे लघियात हस्तांतरित कराये जाए। वन मंत्री के निर्देश के सेती किसान मन के खाते म 02 करोड़ 09 लाख 85 हजार रूपिया के रकम हस्तांतरित हो गे।
पहिली किस्त म मिले रिहिस 79 करोड़ ले जादा के राशि-राजीव गांधी किसान न्याय योजना के तहत कबीरधाम जिला म लाभान्वित होए वाला किसानें के संख्या 01 लाख 11 हजार 373 हावय। पहिली किस्त म 79 करोड़ 45 लाख 47 हजार रूपिया किसान मन के खाते म हस्तांतरित होइस रिहिस अब 02 करोड़ 09 लाख 85 हजार रूपिया के रकम अउ हस्तांतरित कर दीस हावय।
दूसरा किस्त के रकम पूर्व प्रधानमंत्री स्वर्गीय राजीव गांधी के जयंती 20 अगस्त के मिलही
किसान मन के खाता म 04 किस्त म राजीव गांधी किसान न्याय योजना के रकम हस्तांतरित करे जात हावय। किसान मन के दूसरा किस्त के रकम पूर्व प्रधानमंत्री स्वर्गीय राजीव गांधी के जयंती 20 अगस्त के मिलही। बिते साल कबीरधाम जिला म किसान मन के 04 किस्त म 310 करोड़ 11 लाख 04 हजार रूपिया के रकम मिले रिहिस। राजीव गांधी किसान न्याय योजना म किसान मन के उंकर डहर ले बेचे गे धान के समर्थन कीमत के रकम के अलावा किसान मन के प्रति एकड़ 09 हजार के मान ले दे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।