अंजोर.गरियाबंद। कलेक्टर आकाश छिकारा के मार्गदर्शन म जिला म बिसेस ग्रामसभा के आयोजन करे गिस। जेमा प्रदेस म गरियाबंद जिला एक दिन म आयुष्मान कारड पंजीयन के मामला म एक बार फेर ले पहिली ठऊर हासिल करिन हावय। जानबा हो के 7 जुलाई के आयोजित बिसेस ग्रामसभा के माध्यम ले आयुष्मान कारड पंजीयन अउ राशन कारड ई-केवाईसी के बुता करे गिस रिहिस, जेमा तको गरियाबंद जिला प्रदेस म पहिली ठऊर म रिहिन।
विशेष गांव सभा के माध्यम ले जिला के सबो गांव म आने-आने शिविर के माध्यम ले आयुष्मान कारड पंजीयन अउ राशन कारड ई-केवाईसी के बुता करे गये। जेकर तहत आज एक ही दिन म 20 हजार 875 लोगन के आयुष्मान कारड के पंजीयन करे गिस। संग ही 4 लाख 65 हजार 305 राशन कार्डाे के ई-केवाईसी के बुता तको पूरा करे गये। ए महाअभियान के तहत नगरीय अउ ग्रामीण क्षेत्र म शिविर के आयोजन करे गिस। येकर ले स्वास्थ्य केन्द्र, गांव पंचायत, च्वाईस सेंटर अउ सामुदायिक भवन म तको शिविर लगाये गये। संग ही विभागीय अधिकारी-कर्मचारियों के ड्यूटी तको लगाये गे रिहिस। कलेक्टर आकाश छिकारा अउ जिला पंचायत सीईओ श्रीमती रीता यादव ह अधिकारी मनको शिविर जगह के सरलग निरीक्षण करके प्रगति के जानकारी ले के निर्देश तको दिये रिहिस। शिविर के माध्यम ले कम समय म लोगन के सेवा ले लाभान्वित करे गिस। येकर तहत आयुष्मान कारड बने ले लोगन के फोकट म ईलाज म मदद मिलही। संग ही राशन कारड के ई-केवाईसी पूरा होए ले लोगन के सरकारी दुकान ले खाद्यान्न सामान मिले करे म कोनो तको असुविधा के सामना नइ करे के पड़ही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।