अंजोर.रायपुर। छत्तीसगढ़ के राजधानी रायपुर म अवइया 18-19 सितम्बर 2023 के जी-20 देश के कार्यसमूह के बइठक के आयोजित होही। बइठक के तमाम बेवस्था के प्रशासनिक बेवस्था के समन्वय बर मुख्य सचिव अमिताभ जैन के अध्यक्षता म मंत्रालय महानदी भवन म बइठक आयोजित करे गिस। मुख्य सचिव ह बइठक के बखत जरूरी बेवस्था के संबंध म के जात तइयारी के समीक्षा करिस। मुख्य सचिव ह संस्कृति, नगरीय प्रशासन, नवा रायपुर विकास प्राधिकरण के अधिकारी मनसे उंकर डहर ले करे जात कार्यवाही के जानकारी लिस।
मुख्य सचिव ह अधिकारी मनला निर्देश दीस के नवा रायपुर म एयरपोर्ट ले मेयफेयर रिसार्ट अउ नवा रायपुर के आन रसता के अभी के बेरा स्थिति अउ आयोजन बर बने होवइया बेवस्था के लेके थ्री-3डी वॉक-थू्र के संबंध म विस्तार ले जानकारी लिस। ओमन नवा रायपुर के आने-आने रसता म छत्तीसगढ़ प्रदेस के विशिष्टता के प्रदर्शित करे वाला स्थल, पुरातात्विक नगरी सिरपुर, चित्रकोट जलप्रपात, वन अउ खनिज संपदा अउ औद्योगिक विकास सहित छत्तीसगढ़ के गौरवशाली संस्कृति सहित आन जरूरी जानकारी संबंधी होर्डिंग्स उक लगाये के निर्देश दिस।
मुख्य सचिव ह नगरीय प्रशासन विभाग के अधिकारी मनला एयरपोर्ट ले मेफेयर रिसार्ट सड़क मार्ग, जुन्ना जी.ई. रोड, व्हीआईपी अउ आन रसता के सौन्दर्यीकरण अउ साज-सज्जा के अउ आन जरूरी बुता लघियात पूरा करे के निर्देश दे हावय। संस्कृति विभाग के अधिकारी मनला जी-20 के बइठक म आने वाला बिदेसी डेलीगेट्स के खातिर छत्तीसगढ़ के लोक नृत्य, संगीत अउ संस्कृति म आधारित सांस्कृतिक कार्यक्रम के आयोजन करे के खातिर अभी ले जरूरी तइयारी करे के निर्देश दे हावय। ओमन आयोजित करे जाये वाला सांस्कृतिक कार्यक्रम के रिहर्सल करे के निर्देश दे हावय। आखरी रिहर्सल मुख्य मंच जगह म करत होइस ये सुनिश्चित करे के निर्देश दे हावय के आखरी रिहर्सल सुरक्षा अधिग्रहण के पहिली करके लिस जाए। इही रकम ले ले जी-20 वाटिका बर उपयुक्त जगह म बिदेसी आगन्तुक डहर ले पौधारोपण कराए जाये के तइयारी करे के निर्देश दिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।