अंजोर.रायपुर। भारत सरकार के महिला अउ बाल विकास मंत्रालय डहर ले प्रधानमंत्री राष्ट्रीय बाल पुरस्कार 2024 के खातिर अवइया 31 अगस्त तक आनलाईन आवेदन आमंत्रित करे गे हावय। इच्छुक भाग लेवइया साईट https://awards.gov.in म जाके ऑनलाईन आवेदन कर सकत हावयं। प्रधानमंत्री राष्ट्रीय बाल पुरस्कार खेल, सामाजिक सेवा, विज्ञान अउ प्रौद्योगिकी, पर्यावरण, कला अउ संस्कृति अउ नवाचार के क्षेत्र म उत्कृष्ट बुता के खातिर दे जाथे। पुरस्कार के खातिर भारतीय नागरिक अउ भारत म निवासी 18 साल ले कम उमर के लइका आवेदन कर सकत हावयं। प्रधानमंत्री राष्ट्रीय बाल पुरस्कार के चयनित ल 26 जनवरी 2024 के भारत के राष्ट्रपति के हाथ पुरस्कृत करे जाही। सबोच पुरस्कार विजेता के एक पदक, 01 लाख रूपिया के नगद रकम अउ परमान पाती दे करिन जाही। जादा जानकारी के खातिर महिला अउ बाल विकास विभाग के जिला कार्यालय म सम्पर्क करे जा सकत हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।