छत्तीसगढ़ सरकार के न्याय योजना ले गरीब, किसान अउ मजदून के जिनगी म आइस बदलाव : मंत्री मोहम्मद अकबर

अंजोर.कवर्धा। प्रदेश के वन, परिवहन, आवास, पर्यावरण अउ जलवायु परिवर्तन मंत्री मोहम्मद अकबर ह किहिन के मुख्यमंत्री भूपेश बघेल के नेतृत्व म राज्य के सबो समाज अउ वर्ग के उत्थान अउ विकास म धियान दिये जात हावय। समाज के संगठित अउ आगे बढ़ाये के खातिर जमीन आबंटन के संग भवन के खातिर रकम दे जात हावय। ओमन किहिन के छत्तीसगढ़ के सरकार ह गरीब, किसान अउ मजदूर के खातिर योजना बनाई हावय।

गौठान विकसित करके गौ सेवा अउ महिला स्व सहायता समूह ल रोजगार ले जोड़े गे हावय। गोबर के खरीदी करके आर्थिक विकास ले जोड़े जात हावय। येकर ले छत्तीसगढ़ के पहचान राष्ट्रीय स्तर म होए हावय। मंत्री अकबर आज कवर्धा विकासखंड के गांव पालीगुढ़ा अउ सोनपुरी म आयोजित भेंट-मुलाकात कार्यक्रम म ग्रामवासियों के संबोधित करत रिहिस।

कैबिनेट मंत्री मोहम्मद अकबर गांव पालीगुढ़ा अउ सोनपुर म आयोजित भेंट-मुलाकात अउ जनचौपाल कार्यक्रम म शामिल होइस। ओमन ग्रामीण ले गोठबात करत किसान, ग्रामीण, भूमिहीन श्रमिक मजदूर, महिला मन ले सीधा संवाद करिन अउ गांव अउ क्षेत्र विकास के दिशा म ग्रामीण ले सुझाव तको मांगिस। ओमन राज्य सरकार के फ्लैगशीप योजना के फीडबैक तको लिस। ए मउका म संबंधित गांव पंचायत के सरपंच सहित जनप्रतिनिधि उपस्थित रिहिस।

कैबिनेट मंत्री अकबर ह किहिन के गांव पंचायत म जाके आमजन ले सीधा संवाद करे के उद्देश्य शासन के जनकल्याणकारी योजना के लाभ ओला मिलत हावय या नही जानकारी ले खातिर आए हावय। संग ही योजना के क्रियान्वयन म कोनो समस्या आत होही त दूर करके योजना के लाभ ओला देना हावय। ओमन राजीव गांधी भूमिहीन ग्रामीण कृषि मजदूर न्याय योजना ले सालाना 7 हजार रुपये दे जाये अउ वनवासी ले लघुवनोपज अधिक मात्रा अउ कीमत म खरीदे के बात कहीन। ओमन किहिन के रामवनगमन पर्यटन परिपथ के विकास अउ घोटुल, राष्ट्रीय आदिवासी नृत्य के माध्यम ले तको संस्कृति के बढ़ावा दे जात हावय। मंत्री अकबर ह गरीब के निःशुल्क उपचार के खातिर स्वास्थ्य सुविधा के जानकारी देत गम्भीर बीमारी के उपचार के खातिर मुख्यमंत्री विशेष स्वास्थ्य सहायता योजना ले 20 लाख रूपिया तक दे जाथे। मुख्यमंत्री सुपोषण योजना ले कुपोषित लइका के सुपोषित बनाये जाथे।