मुख्यमंत्री भूपेश बघेल ह आदिवासी जननायक बिरसा मुण्डा के पुण्यतिथि म ओला करिन नमन

अंजोर.रायपुर। मुख्यमंत्री भूपेश बघेल ह आदिवासी मन के उत्थान के खातिर आजीवन संघर्ष करइया महान क्रांतिकारी जननायक बिरसा मुण्डा ल उंकर पुण्यतिथि 9 जून के मउका म अपन श्रद्धांजलि अर्पित करे हावय। 

मुख्यमंत्री ह मुण्डा के नमन करत किहिन के मुण्डा आदिवासी चेतना के प्रणेता म ले एक रिहिस। ओमन आदिवासी मन के एकत्र करके जल, जंगल अउ जमीन म अधिकार के खातिर आंदोलन चलाइन। उंकर शौर्य अउ बलिदान के गाथा आज तको करोड़ों लोगन ल प्रेरित करत हावयें। मुख्यमंत्री ह किहिन के बिरसा मुण्डा ह हमन ल सिखाइस के समिलहा इच्छाशक्ति, हथियार मन के शक्ति म तको भारी परत हावय। उंकर अदम्य साहस हम सबके खातिर प्रेरणादायी हावय। बघेल ह किहिन के आदिवासी मन के उंकर अधिकार दिलाना अउ स्वाभिमान के रक्षा बिरसा मुंडा जी के सच्ची श्रद्धांजलि होही।