अंजोर.धमतरी। एकीकृत बाल विकास परियोजना धमतरी ग्रामीण अउ शहरी डहर ले आज मुख्यमंत्री कन्या बिहाव योजना के तहत समिलहा बिहाव कार्यक्रम के आयोजन करे गिस। ए बिहाव म 18 जोड़ा ह दाम्पत्य जिनगी म प्रवेश करिन। स्थानीय विंध्यवासिनी मंदिर के पाछु सामुदायिक भवन म आयोजित समिलहा बिहाव कार्यक्रम म क्षेत्र के जनप्रतिनिधि, गणमान्य नागरिक अउ अधिकारी, कर्मचारी मन ह नवविवाहित ये जोड़ा ल आशीर्वाद दीस।
जानबा हो के शासन डहर ले मुख्यमंत्री कन्या बिहाव योजना के तहत प्रति जोड़ा 50 हजार रूपिया दे जाथे। एमे 8 हजार रूपिया बिहाव आयोजन बेवस्था अउ परिवहन पर, 6 हजार रूपिया मंगलसूत्र, वर-वधु के कपड़ा, श्रंगार सामान चुनरी, साफा, 21 हजार रूपिया वधु के ड्रॉफ्ट/बैंक खाते के माध्यम ले भुगतान अउ 15 हजार रूपिया आन उपहार सामान के खातिर दिये जात हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।