छत्तीसगढ़ संस्कृति परिषद कार्यालय लघियात जाही नवा राजधानी

अंजोर.रायपुर। संस्कृति मंत्री अमरजीत भगत ह नवा रायपुर सेक्टर 27 म छत्तीसगढ़ संस्कृति परिषद के नवा  कार्यालय भवन के निरीक्षण करिन अउ  अधिकारी मनला जरूरी दिशा-निर्देश दिस। परिषद के नया कार्यालय आधुनिक सुविधा ले सज-धज के तइयार हावय, जल्दीर ही नवा  कार्यालय के सुरू करे जाही। जानबा होवय के मुख्यमंत्री भूपेश बघेल छत्तीसगढ़ संस्कृति परिषद के अध्यक्ष अउ विभागीय मंत्री उपाध्यक्ष हावय।

छत्तीसगढ़ विविध विधा मन ल आगू बढ़ाये अउ एक छत के खल्हे सुविधा विकसित करे के उद्देश्य ले अकादमी, आयोग अउ शोधपीठ अउ फिलिम विकास निगम के समन्वय करके छत्तीसगढ़ी परिषद के गठन करे गे हावय, परिषद ल ले 6 शाखा हावयं, जेमा आने-आने विधा मन के विषय-विशेषज्ञ के अध्यक्ष, उपाध्यक्ष अउ सदस्य मन के रूप म मनोनित करे गे हावय। ये विषय विशेषज्ञ डहर ले समय-समय म कार्यशाला अउ कार्यक्रम के माध्यम ले छत्तीसगढ़ संस्कृति ल आगू ले जाये के खातिर सरलग प्रयासरत हावय।

संस्कृति मंत्री अमरजीत भगत ह ए मउका म बताइन के प्रदेस के कलाकार मन अउ विभागीय बुता के सहजता अउ सरलता बनाये बर परिषद के नवा बने कार्यालय के सर्वसुविधा युक्त बनाये जात हावय। अवइया महीना म ए नवा कार्यालय के उद्घाटन करे जाही। ए मउका म संस्कृति विभाग के संचालक विवेक आचार्य सहित आन वरिष्ठ अधिकारी उपस्थित रिहिस।