उद्यमी भारत - एमएसएमई दिवस' 27 जून के विज्ञान भवन म मनाये जाही

अंजोर.ए.दिल्ली। सूक्ष्म, लघु अउ मध्यम उद्यम मंत्रालय 27 जून, 2023 के अंतर्राष्ट्रीय सूक्ष्म, लघु अउ मध्यम उद्यम दिन के मउका म नवा दिल्ली के विज्ञान भवन म 'उद्यमी भारत-एमएसएमई दिवस' के आयोजन करे हावय। ए कार्यक्रम म केंद्रीय सूक्ष्म, लघु अउ मध्यम उद्यम मंत्री नारायण राणे माई पहुना होही अउ केंद्रीय राज्य मंत्री (एमएसएमई) भानु प्रताप सिंह वर्मा सम्मानित पहुना के तौर म ए आयोजन म सामिल होही।

ए कार्यक्रम ल दौरान, सूक्ष्म, लघु अउ मध्यम उद्यम मंत्रालय सूक्ष्म, लघु अउ मध्यम उद्यम के बड़वार अउ विकास के खातिर आने-आने पहल सुरू करही। जेमे क्लस्टर परियोजना अउ प्रौद्योगिकी केन्द्र के जियो-टैगिंग के खातिर चैंपियंस 2.0 पोर्टल अउ मोबाइल ऐप के सुरू सामिल हावय। ए आयोजन के बखत 'एमएसएमई आइडिया हावयकथॉन 2.0' के परिणाम तको घोसित करे  जाही अउ महिला उद्यमी के खातिर 'एमएसएमई आइडिया हैकथॉन 3.0' के शुरुआत करे जाही। 

येकर अलावा, गोल्ड अउ सिल्वर जेडईडी प्रमाणित एमएसएमई के प्रमाणपत्र बाटे अउ 400 करोड़ रूपिया के डिजिटल हस्तांतरण अउ 10,075 पीएमईजीपी लाभार्थी मन के मार्जिन मनी सब्सिडी बाटे कार्यक्रम आयोजित होही। ए बखत भारत सरकार के आने-आने संगठन मन के बीच समझौता ज्ञापन म दस्तखत तको करे जाही।

सूक्ष्म, लघु अउ मध्यम उद्यम मंत्रालय के उद्देश्य अपन योजना मन अउ गतिविधी के माध्यम ले सूक्ष्म, लघु अउ मध्यम उद्यम के खातिर कई पहल करे हावय। जेमे कारोबारी माहौल म सुधार करना, नवा जिनिस अउ सेवा के नवाचार अउ विकास के प्रोत्साहित करना, क्षेत्रीय विकास के बढ़ावा देना अउ क्षेत्रीय असमानता के दूरिहा करना, घरेलू अउ वैश्विक दुनों रकम ले बाजार म कारोबार के मउका पैदा करे अउ स्थायी बुता प्रणाली अपनाके एमएसएमई के प्रोत्साहित करे सामिल हावय। सूक्ष्म, लघु अउ मध्यम उद्यम मंत्रालय देश भर म रोजगार के मउका सृजित करे अउ एमएसएमई के उत्पादकता अउ प्रतिस्पर्धात्मकता म बढ़ोतरी करे म बल देत हावय।