मुख्यमंत्री भूपेश बघेल ह बाबा धाम म बाबा सत्यनारायण ले प्रदेश के सुख-समृद्धि अउ खुशहाली के करिस कामना

अंजोर.रायगढ़। छत्तीसगढ़ प्रदेस के मुखिया भूपेश बघेल जी ह अपन रायगढ़ दौरा के बखत बाबा धाम पहुंच के बाबा सत्यनारायण जी के आशीर्वाद लिस अउ प्रदेश के सुख-समृद्धि अउ खुशहाली के कामना करिस। जानबा होवय के मुखिया ह रायगढ़ म राष्ट्रीय रामायण महोत्सव के समापन कार्यक्रम म संघरे रिहिस। रायगढ़ म तीन दिन ले देस विदेस के रामायण के कलाकार मन सकलाये रिहिस। रायगढ़ अउ प्रदेस के जनता के संगे-संग देस दुनिया तको छत्तीसगढ़ के राम के गुनगान ल सुनिस अउ बढ़ई करिस।