छत्तीसगढ़ के राज्यपाल हरिचंदन महासमुंद जिला के आदिवासी बाहुल्य गांव बासंकुड़ा म कमार जनजाति के बीच पहुंचिस

अंजोर
0
छत्तीसगढ़ के राज्यपाल हरिचंदन महासमुंद जिला के आदिवासी बाहुल्य गांव बासंकुड़ा म कमार जनजाति के बीच पहुंचिस


अंजोर.रायपुर। राज्यपाल विश्वभूषण हरिचंदन ह महासमुंद जिला के आदिवासी बाहुल्य गांव बासंकुड़ा पहुंचिस अउ उहां के गांव वाला ले मिलके ओला प्रशासन ले मिलत मूलभूत सुविधा के, उंकर आर्थिक स्थिति उक के  जानकारी लिस।  ओमन किहिन के केंद्र अउ राज्य शासन डहर ले समाज के गरीब, वंचित वर्ग अउ आखरी छोर के मनखे मन के खातिर केऊ योजना संचालित करे जात हावयं, जेकर फायदा गांव वाला ल जरूर लेना चाही। 

राज्यपाल हरिचंदन ह गांव बासंकुडा म आयोजित कार्यक्रम म कमार जनजाति परिवार, स्व सहायता समूह के महिला मन अउ गांव वाला ले मुलाकात के अउ बिहान महिला स्व सहायता समूह डहर ले लगाये गे स्टाल के अवलोकन करिन। महिला ह उंकर डहर ले उत्पादित बांस, छिंद के बने टोकरी, सजावट के सामग्री, माटी कला, टेराकोटा आर्ट ले बने सामान अउ खाद्य सामान उक के जानकारी दीस।

ओमन किहिन के जिला के कलेक्टर अउ आन अधिकारी ये सुनिश्चित करें के योजना के फायदा तंहू मन तक पहुंचिस। कोनो भी समस्या हो त कलेक्टर ल बताएं अउ जादा बड़े समस्या हो त मोला भी बता सकत हावयं। ओमन कुछ महिला मन ले हिन्दी अउ ओडिया भाषा म आत्मीयता के संग गोठबात करिस। महिला मन ह राज्यपाल के बांस ले बने टोकनी भेंट करिस।

राज्यपाल ह किहिन के महासमुंद जिला छत्तीसगढ़ अउ ओडिशा के सीमावर्ती जिला हावय। दोनो राज्य के निवासी भाई-भाई हावयं। भारत के संस्कृति अनोखा हावय। सबो संस्कृति  के इहां संगम होवत  हावय। इही सेती भारत विश्व गुरू कहलात हावय।

ए मउका म राज्यपाल के सचिव अमृत खलखो ह तको अपन संबोधन दीस। ओमन किहिन के राज्यपाल पहिली बार आदिवासी क्षेत्र के निवासी मन ले सउहे मुलाकात करे अउ योजना मन के क्रियान्वयन देखे बर पहुंचिस हावयं।

कार्यक्रम म राज्यपाल ह कमार जनजाति के किसान मन के उड़द बीजहा के मिनी किट, बैट्री स्प्रेयर, गर्भवती महिला मन के सुपोषण किट अउ प्रधानमंत्री घर योजना के हितग्राही मन के सामग्री, दिव्यांग के ट्राइसाइकिल बाटे करिन। राज्यपाल ह परिसर म वृक्षारोपण तको करिन।

ए मउका म राज्यपाल के उप सचिव दीपक अग्रवाल, महासमुंद कलेक्टर निलेश कुमार क्षीरसागर, पुलिस अधीक्षक अउ आन वरिष्ठ अधिकारी, सरपंच अउ आन जनप्रतिनिधि अउ क्षेत्र के ग्रामीण बड़े संख्या म उपस्थित रिहिस।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !