अंजोर.रायपुर। छत्तीसगढ़ राज्य ओपन स्कूल के हाई स्कूल अउ हायर सेकेण्डरी स्कूल सर्टिफिकेट परीक्षा के नतीजे आज घोसित करे गिस। हाई स्कूल के परीक्षाफल परतिसत 54.09 अउ हायर सेकेण्डरी परीक्षा के परीक्षाफल परतिसत 65.46 रिहिन। हाई स्कूल परीक्षा म कुल 37 हजार 471 पढ़इया लइका के पंजीयन रिहिस। ए 34 हजार 161 परीक्षा देवइया परीक्षा म सामिल होइस। 34 हजार 132 परीक्षा देवइया के परीक्षा परिणाम जारी करे गिस। कुल पास परीक्षा देवइया 18 हजार 465 रिहिन। 29 परीक्षा देवइया के परीक्षाफल आने-आने कारन ले रोके गे हावय। हाई स्कूल परीक्षा म पहिली श्रेणी म 4 हजार 13 परीक्षा देवइया, दूसरइया श्रेणी म 7 हजार 320 पढ़ईयाअउ तीसरा श्रेणी 6 हजार 923 पढ़ईयासे पास होइस। कुल 18 हजार 465 पढ़ईया पास होइस।
इही रकम ले हायर सेकेण्डरी परीक्षा म 65 हजार 557 पढ़ईया मन के पंजीयन रिहिस। एमे 62 हजार 51 परीक्षा देवइया परीक्षा म सामिल होइस। एमे ले 57 हजार 105 परीक्षा देवइया के परीक्षा परिणाम जारी करे गिस। एमे 9 हजार 653 परीक्षा देवइया पहिली श्रेणी, 15 हजार 180 परीक्षा देवइया दूसरइया श्रेणी ले अउ 11 हजार 801 परीक्षा देवइया तीसरा श्रेणी ले पास होइस। कुल 37 हजार 383 पढ़ईयापास होइस। परीक्षा म 4 हजार 883 पढ़ईया आरटीडी योजनांतर्गत मउका परीक्षा म सामिल होइस। 63 परीक्षा देवइया के परीक्षाफल आने-आने कारन ले रोके गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।