प्रदीप मिश्रा महाराज के शिवमहापुराण कथा भिलाई म 25 अप्रेल ले 1 मई तक

प्रदीप मिश्रा महाराज के शिवमहापुराण कथा भिलाई म 25 अप्रेल ले 1 मई तक

अंजोर.दुर्ग। प्रसिद्ध शिवमहापुरण कथा वाचक पं. प्रदीप मिश्रा महाराज के आगमन फेर छत्तीसगढ़ के पावन धरा म होवइया हाबे। मिले आरो के मुताबिक ये पइत पं. प्रदीप मिश्रा महाराज इस्पात नगरी भिलाई म कथा वाचन करही। जीवन आनंद फाउंडेशन कोति ले ये आयोजन करे जावथे। सीहोर वाले महाराज के छत्तीसगढ़ म ये चौथा आगमन होवथे। पं. प्रदीप मिश्रा महाराज जी ह इहां मिले आदर सत्कार ल कभु नइ बिसारे, ओमन अपन कथा म छत्तीसगढ़ के नाव के उल्लेख जरूर करथे। अइसने भगत अउ भगवान के मया बने राहय अउ लोगन ल कथा सुने बर मिलते राहय। पं. प्रदीप मिश्रा महाराज के भिलाई म कथा 25 अप्रेल ले सुरू होही जेन 1 मई तक चलही।