cg film जिमी कांदा : अभिनेत्री जागृति सिन्हा के 2023 म जबर जलवा

अंजोर.सिनेमा। अभिनेत्री जागृति सिन्हा के नवा छत्तीगसढ़ी फिलिम जिमी कांदा अवइया 7 अप्रेल के सिनेमाघर म आही। बताये जाथे के ये एक पारिवारिक मनोरंजक फिलिम आए। फिलिम के साफ-सुथरा होए के एक अऊ कारन हाबे के येला बनाये हाबे अनुपम भार्गव जेन छॉलीवुड म अपन अलग अंदाज के लिये जाने जाथे। छॉलीवुड म अब आन राज ये नायिका लाने के बजाये निर्माता, निर्देशक मन छत्तीसगढ़ी के एल्बम स्टार अउ सोशल मीडिया के रील स्टार मनला मउका देना जादा मुनासिकब समझत हाबे। अऊ ये सोशल मीडिया स्टार मन अब बड़े पर्दा यानी फिचर फिल्म म शानदार प्रदर्शन तको करत हाबे। फिलिम जिमी कांदा म तको अइसने कई स्टाचर देखे बर मिलही।

जिमी कांदा के पहिली ले ही अभिनेत्री जागृति सिन्हा ह छत्तीसगढ़ी सिनेमा म काम करत हाबे। ओमन के कई विडियो एल्बम छत्तीसगढ़ म गजब लोकप्रिय होए हाबे। येकर अलावा ओमन के मया-3 तको खूब चर्चा म हाबे। जागृति सिन्हा‍ ल कारी सवरेंगी, मन के कोरा कागज, कइसे कर डारे जादू गोरी, मन के मनमोहनी जइसे गीत नवा चिन्हारी दीस। अनुज शर्मा, कचन जोशी, हिरेश सिन्हा, मोनिका वर्मा जइसे स्टार सिंगर मनके वीडियो म ओमन के अदाकारी ल लोगन खूब पसंद करे हाबे। फिलिम जिमीकांदा म ओमन के का अदा हावय ये तो पूरा फिल्म देखे के बादे म जानबा होही, फिलहाल अगोरा करत राहव, 7 अप्रेल के जब ये फिलिम सिनेमा घर म आही। अऊ ये बीच आपमन फिलिम जिमी कांदा के गीत मनला सोशल मीडिया म देखत राहव।

जागृति सिन्हा के देखव शानदार अदाकारी