मशरूम उत्पादन तकनीक म 6 दिवसीय प्रशिक्षण

अंजोर.नारायणपुर। कृषि विज्ञान केंद्र नारायणपुर म राष्ट्रीय कृषि विस्तार प्रबंधन संस्थान (मैनेज) के ग्रामीण युवा मन बर कौशल प्रशिक्षण (एसटीआरवाय) योजनान्तर्गत मशरूम उत्पादन तकनीक म 6 दिवसीय प्रशिक्षण के आयोजन निदेशालय विस्तार सेवा इंगाँकृविवि रायपुर अउ कृषि विज्ञान केंद्र के समन्वय ले संपन्न होइस। ये प्रशिक्षण 20 ले 25 मार्च तक चला, जेमा ग्रामीण युवक-युवती अउ महिला मन के आने-आने मौसम म उगाये जाये वाला खाने वाला मशरूम के वैज्ञानिक खेती के विस्ता्र ले जानकारी देत ओला स्वयं के हाथ ले जीवंत अभ्यास तको कराइन।

ओला आत्म निर्भर बनाये के खातिर मशरूम बीजहा उत्पादन के विधि तको सिखाईस। ए प्रशिक्षण म बतौर एक्सपर्ट नारायणपुर के अलावा कृषि विज्ञान केंद्र कांकेर के पौधा रोग विशेषज्ञ डॉ उपेन्द्र नाग ह तको पैरा मशरूम समेत आन खाना वाला मशरूम के खेती कीट-रोग प्रबंधन विपणन अउ प्रसंस्करण के बारीकियाँ बताई अउ संग ही जंगल म पाये जाये वाला ज़हरीले मशरूम के पहचान कराइन।

प्रशिक्षण के आखरी दिन म मैनेज अउ निदेशालय विस्तार सेवा इंगाँकृविवि रायपुर के वैज्ञानिक के ऑनलाइन उपस्थिति म केंद्र के वरिष्ठ वैज्ञानिक अउ प्रमुख डॉ दिब्येंदु दास के करके कमलों ले सबो प्रशिक्षुओं के परमान पाती दे करे गिस। ए प्रशिक्षण के सफल संचालन म आँचल नाग मनीष वर्मा अउ उत्तम दीवान सहित सबो कर्मचारी मन के महत्त्वपूर्ण योगदान रिहिन। ए प्रशिक्षण म कोचवाही अउ डूमरतराई गउठान म कार्यरत समूह के महिला मन के अलावा पालकी, बिंजली अउ सुलेंगा के कुल 28 ईच्छुक किसान शामिल होइस।