जोरातराई एडवेंचर पार्क म कैम्पिंग, बोंटिंग, क्रिकेट कोर्ट, वालीबॉल कोर्ट, रिसोर्ट, खनिज पाठशाला अउ स्टोन म्यूजियम रइही घुमइया बर खास

जोरातराई एडवेंचर पार्क

अंजोर.राजनांदगांव। जोरातराई एडवेंचर पार्क जिला के नवा  पर्यटन केन्द्र के रूप म विकसित होवत हाबे। वन चेतना केन्द्र मनगटा के तिर म जलाशय अउ प्राकृतिक सौंदर्य रमणीय हावय। एकेच ठऊर  म एडवेंचर कैम्पिंग, बोंटिंग, क्रिकेट कोर्ट, वालीबॉल कोर्ट अउ रिसोर्ट, खनिज पाठशाला अउ स्टोन म्यूजियम रइही। इहां लघियात ही नागरिक परिवार सहित जाके आनंद ले सकही। 

जोरातराई एडवेंचर पार्क

कलेक्टर डोमन सिंह ह बेहतरीन नवाचार करत जोरातराई एडवेंचर पार्क के परिकल्पना करिस। कलेक्टर के मार्गदर्शन म जिला पंचायत सीईओ अमित कुमार अउ उंकर टीम डहर ले जोरातराई एडवेंचर पार्क के मूर्त स्वरूप दे के खातिर सरलग बुता करे जात हावय। इही कड़ी म कलेक्टर सिंह ह जोरातराई एडवेंचर पार्क म ट्रायल रन करिन अउ उहां के तइयारी के जायजा लिस। कलेक्टर सिंह ह किहिन के जिलावासी ल एक खुबसूरत पर्यटन जगह मिलही। संग ही एके ठऊर  म बोटिंग, कैम्पिंग सहित आन गतिविधी संचालित करे जात हावय, जेकर ले एक उम्दा पिकनिक स्पॉट मिलही। 

जोरातराई एडवेंचर पार्क

कलेक्टर ह आगू किहिन के सबो विभाग इहां एला अउ बेहतरीन बनाये के खातिर अपन योगदान दे सकत हावयं। कलेक्टर डोमन सिंह अउ जिला पंचायत सीईओ अउ आन सबो ह बोटिंग के आनंद लिस अउ सबो जिला स्तरीय  अधिकारी मनव कर्मचारी मन ह पौधरोपण करिन। विश्व जल दिवस अउ विश्व वानिकी दिवस के खातिर सबो ह छायादार अउ फलदार आम, जाम, अमरूद, अनार के पौधा लगाइस। 

जिला पंचायत सीईओ अमित कुमार ह बताइन के ये क्षेत्र गौण खनिज ले समृद्ध क्षेत्र हावय। इही सेती इहां खनिज पाठशाला म छत्तीसगढ़ म पाये जाये वाला खनिज जेमा बाक्साइट, टीन, लौह, कोयला, हीरा, सोना, डोलोमाईट, मैगनीज, बेरिल सहित आन खनिज सम्पदा डिस्पले करे जाही। 

डेकोरेटिव स्टोन ले स्टोन म्यूजियम के सजाया जाही। ये भवन पहाड़ के आकृति खातिर होइस 3 डी शेप म होही। जानबा होवय के मनगटा वन चेतना केन्द्र ले लगे होइस जोरातराई एडवेंचर पार्क म गांव के लोगन के आजीविका मिलही अउ गांव पंचायत के आय के एक स्थायी स्रोत बनही। नाईट कैम्पिंग के खातिर टेंट हाऊस होही। उद्यानिकी विभाग डहर ले सामुदायिक बाड़ी बनाये जात हावय, ताकि उहां कैम्पिंग के खातिर आने वाला पर्यटक के ताजा सब्जी मिल सके। ए मउका म अपर कलेक्टर सीएल मारकण्डेय, समिलहा कलेक्टर खेमलाल वर्मा, एसडीएम अरूण वर्मा, अकताहा जिला पंचायत सीईओ दिलीप कुर्रे सहित आन जिला स्तरीय अधिकारी अउ कर्मचारी उपस्थित रिहिस।